മലയാള സിനിമയിലെ യുവതാരങ്ങളില് ഏറ്റവും തിളങ്ങി നില്ക്കുന്ന താരങ്ങളില് ഒരാളാണ് ദുല്ഖര് സല്മാന്. ചുരുങ്ങിയ സിനിമകള് കൊണ്ട് സംസ്ഥാന അവാര്ഡും മറ്റ് നേട്ടങ്ങളും സ്വന്തമാക്കി തലയെടുപ്പോടെ നില്ക്കുന്ന ദുല്ഖര് ആരാധക എണ്ണത്തിലും മുന്പിലാണ്. സെക്കന്റ ഷോയിലെ ലാലുവായി അരങ്ങേറ്റം കുറിക്കുമ്പോള് മമ്മൂട്ടിയുടെ മകന് എന്നതായിരുന്നു ദുല്ഖറിന്റെ ലേബല്.
എന്നാല് ആദ്യ കുറച്ച് ചിത്രങ്ങളോട് കൂടി ദുല്ഖര് എന്ന താരമായി വളര്ന്നു. എന്നാല് തനിക്ക് എന്നും മമ്മൂട്ടിയുടെ മകന് എന്നറിയപ്പെടാന് തന്നെയാണാഗ്രഹമെന്ന് ദുല്ഖര് ആവര്ത്തിച്ച് പറയുന്നു. എന്നാല് വാപ്പച്ചിയെ അനുകരിക്കാന് ഒരിക്കലും ശ്രമിക്കില്ല. അദ്ദേഹത്തിന്റെ നേട്ടങ്ങള് തനിക്ക് എത്താവുന്നതിലുമപ്പുറമാണെന്നും ദുല്ഖര് എന്ന മകന്.
മമ്മൂട്ടിയെ വെച്ച് സിനിമ ചെയ്തിട്ടുള്ള അമല് നീരദ്, മാര്ട്ടിന് പ്രക്കാട്ട്, മണിരത്നം, അന്വര് റഷീദ്, സത്യന് അന്തിക്കാട് തുടങ്ങിയവര് ദുല്ഖറിനെയും തങ്ങളുടെ നായകനാക്കി. തന്റെ ജീവിതത്തില് ഇതിലും വലിയ നേട്ടങ്ങളൊന്നുമില്ലെന്ന് ഡിക്യൂ പറയുന്നു. ജീവിതം പൂര്ണ്ണത നേടിയ ഒരു ഫീലാണ് ഇവര്ക്കൊപ്പം പ്രവര്ത്തിക്കുമ്പോഴെന്നാണ് താരത്തിന്റെ അഭിപ്രായം. മമ്മൂട്ടിയോടൊപ്പം നിരവധി ഹിറ്റുകള് ഉണ്ടാക്കിയ സത്യന് അന്തിക്കാടിന്റെ ജോമോന്റെ സുവിശേഷങ്ങളാണ് ദുല്ഖറിന്റേതായി ഉടന് എത്തുന്ന ചിത്രം.
