- ഇന്നത്തെ തലമുറയെ അപകടകരമായി ബാധിക്കുന്ന ഡാർക്ക് വെബ്ചതികളും അഡിക്ഷൻ സൃഷ്ടിക്കുന്ന ഓൺലൈൻഗയിമുകളും അതിനേത്തുടർന്നുണ്ടാകുന്ന പ്രശ്നങ്ങളും പ്രമേയമാകുന്ന താണു് ഗില ഐലൻ്റ് എന്ന ഈ ചിത്രം.
ത്രില്ലർ മോഡലിൽ സഞ്ചരിക്കുന്ന ചിത്രമാണങ്കിലും ഇന്നത്തെ സമൂഹത്തിൽ ഓരോ കുടുംബത്തേയും ബാധിക്കുന്ന വളരെ വലിയൊരു വിഷയത്തെ കുടുംബ ബന്ധങ്ങളുടെ പശ്ചാത്തലത്തിൽക്കൂടി അവതരിപ്പിക്കുന്ന ചിത്രമായിരിക്കുമിത്.
ഇന്ദ്രൻസ്, കൈലേഷ് എന്നിവർ കേന്ദ്ര കഥാപാത്രങ്ങളായി അമ്പതോളം പുതുമുഖങ്ങൾ അണിനിരക്കുന്ന ഒരു ടെക്നോ ഫാമിലി ത്രില്ലർ ഗണത്തിൽപ്പെടുന്നതാണ് ഈ ചിത്രം.
റൂട്ട് പ്രൊഡക്ഷൻസിൻ്റെ ബാനറിൽ ജി.കെ പിള്ള ശാന്താ.ജി -പിള്ള എന്നിവർ നിർമ്മിക്കുന്ന ഈ ചിത്രം നവാഗതനായ മനു കൃഷ്ണ തിരക്കഥ രചിച്ച് സംവിധാനം ചെയ്യുന്നു. സംഗീതത്തിന് ഏറെ പ്രാധാന്യമുള്ള ഈ ചിത്രം ഗില മ്യൂസിക്ക് ആൽബം ഇതിനകം തമിഴിലും മലയാളത്തിലേയും ഹിറ്റ് ചാർട്ടിൽ ഇടം നേടിയിരിക്കുന്നു.
സംവിധായകൻ മനു കൃഷ്ണയാണ് ഈ ചിത്രത്തിവെ സംഗീത സംവിധാനം നിർവ്വഹിച്ചിരിക്കുന്നത്. ഷിനോയ് ക്രിയേറ്റീവിൻ്റേതാണ് വരികൾ ഛായാഗ്രഹന്നം - ഷിനോയ്,യൂരസ്ലാവ്, എഡിറ്റിംഗ് - ഷമീർ മുഹമ്മദ്.
ക്രിയേറ്റീവ് ഡയറക്ടർ - പ്രമോദ്.കെ.പിള്ള. നവംബർ പതിനൊന്നിന് ഈ ചിത്രം പ്രദർശനത്തിനെത്തുന്നു.
വാഴൂർ ജോസ്.
