നെട്ടൂർ ടെക്നിക്കൽ ട്രെയിനിങ് ഫൌണ്ടേഷൻ അലുമ്നി, കാനഡയുടെ (NTTF Alumni Canada) 2022 ലെ കൾച്ചറൽ നൈറ്റ് ഡിസംബർ മൂന്നാം തീയതി ആഘോഷിച്ചു.
ടോറോന്റോയിലും പരിസര പ്രദേശങ്ങളിലും താമസിക്കുന്ന മലയാളികളായ NTTF-ൽ നിന്നും പഠിച്ചിറങ്ങിയവരുടെ കൂട്ടായ്മ ആണ് NTTF Alumni Canada.
1963 ലെ ആദ്യ ബാച്ച് മുതൽ 2018 വരെയുള്ള ടൂൾ ആൻഡ് ഡൈ മേക്കേഴ്സും അവരുടെ കുടുംബാംഗങ്ങളും കോവിഡിനു ശേഷം ഒത്തുചേർന്ന ഈ അവസരത്തിനു മോടി കൂട്ടുവാൻ സ്വാദിഷ്ടമായ ഭക്ഷണത്തിനൊപ്പം പാട്ടും ഡാൻസും മറ്റു കലാപരിപാടികളും ഉണ്ടായിരുന്നു.
തദവസരത്തിൽ NTTF ലെ ആദ്യ ബാച്ചിലെ ശ്രീ കുര്യൻ ഫിലിപ്പ് വരിക്കാനിക്കലിനെ ശ്രീ മനോജ് കരാത്ത പൊന്നാടയും ഫലകവും നൽകി ആദരിച്ചു.
വർഷങ്ങൾക്കു മുൻപ് കാനഡയിലേക്ക് കുടിയേറിയവരെയും പുതിയതായി വന്നവരെയും ഒരുമിച്ചു കൊണ്ടു വരാനും അനുഭവങ്ങൾ പങ്കുവെയ്ക്കുവാനും വേണ്ടി വരും വർഷങ്ങളിലും ഇത്തരം വേദികൾ ഒരുക്കുമെന്ന് സംഘാടകർ അറിയിച്ചു.
വാർത്ത അയച്ചുതന്നത് : ബാലു മേനോൻ, കാനഡ
