വിഘ്നേശ് ശിവന്റെ സംവിധാനത്തില് അജിത്ത് നായകനാകുന്ന പുതിയ ചിത്രത്തിനെ കുറിച്ചുളള വാര്ത്ത ആരാധകരുടെ ഇടയില് ശ്രദ്ധ നേടിയിരുന്നു.' എ കെ 62 ' എന്ന് പേരിട്ടിരിക്കുന്ന ചിത്രത്തിന്റെ ചിത്രീകരണം ജനുവരിയില് ആരംഭിക്കുവെന്നും വാര്ത്തയുണ്ടായിരുന്നു. ചിത്രത്തിന്റെ ഒ ടി ടി റൈറ്റ്സ് വിറ്റുപോയതാണ് ഇപ്പോള് പുതിയതായി വാര്ത്തകളില് ഇടം പിടിക്കുന്നത്. ചിത്രത്തിന്റെ റൈറ്റ്സ് പ്രമുഖ ഒ ടി ടി പ്ലാറ്റ്ഫോമായ നെറ്റ്ഫ്ളിക്സ് സ്വന്തമാക്കിയിരിക്കുകയാണ്.
അജിത്ത് നായകനാകുന്ന ചിത്രത്തില് തെന്നിന്ത്യന് താര സുന്ദരി തൃഷയാണ് നായികയായി എത്തുന്നത്. നിരവധി ഹിറ്റ് ഗാനങ്ങള് സമ്മാനിച്ചട്ടുളള അനിരുദ്ധ് രവിചന്ദറാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്.
ഒടിവില് പുറത്തിറങ്ങിയ അജിത്ത് ചിത്രം ' തുനിവിന് ' പ്രേക്ഷകരുടെ ഇടയില് വന് വരവേല്പ്പാണ് ലഭിക്കുന്നത്. എച്ച് വിനോദിന്റെ തിരക്കഥയില് പിറന്ന തുനിവും നെറ്റ്ഫ്ളിക്സിലായിരിക്കും സ്ട്രീം ചെയ്യുക. ഈ കാര്യം നെറ്റ്ഫ്ളിക്സ് തന്നെ അറിയിച്ചിരുന്നു. സംവിധായകന് ശ്രീ ഗണേഷ് അജിത്തുമായി പുതിയ സിനിമ സംബന്ധിക്കുന്ന ചര്ച്ചയിലാണെന്ന വാര്ത്തകളും ആരാധകരുടെ ഇടയില് സംസാരവിഷയമാകുന്നുണ്ട്.
