മലയാള സിനിമാ പ്രേക്ഷകര്ക്ക് പ്രിയങ്കരിയായ നടിയാണ് നിരഞ്ജന അനൂപ്. ലോഹം, പുത്തൻ പണം, ബി.ടെക്, കെയര് ഓഫ് സൈറബാനു തുടങ്ങിയ സിനിമകളിൽ ശ്രദ്ധേയമായ വേഷങ്ങള് നിരഞ്ജന ചെയ്തിട്ടുണ്ട്. നൃത്തമേഖലയിലും തിളങ്ങി നില്ക്കുന്ന താരം കൂടിയാണ് നിരഞ്ജന. സോഷ്യല് മീഡിയയിലും നിറഞ്ഞു നില്ക്കാറുണ്ട് താരം.
ഇപ്പോഴിതാ വേദിയിൽ നൃത്തം ചെയ്യവെ കാൽ തെന്നി ചുവടു പിഴച്ച വീഡിയോ ട്രോൾ രൂപത്തിലാക്കി താരം തന്നെ പങ്കുവച്ചിരിക്കുകയാണ്. ‘അറിയാം, പക്ഷേ കാൽ പണി തന്നു’ എന്നു കുറിച്ചുകൊണ്ടാണ് നിരഞ്ജനയുടെ പോസ്റ്റ്. നല്ലതുപോലെ നൃത്തം ചെയ്യാൻ ശ്രമിച്ചെങ്കിലും ഇടയ്ക്കുവച്ച് തന്റെ ബാലൻസ് നഷ്ടപ്പെട്ടുവെന്ന് നിരഞ്ജന വിഡിയോയ്ക്കൊപ്പം കുറിച്ചു. നടി പങ്കുവച്ച വിഡിയോ ഇതിനോടകം തന്നെ ആരാധകര് ഏറ്റെടുത്തിട്ടുണ്ട്. രസകരമായ പ്രതികരണങ്ങളാണു വീഡിയോയ്ക്ക് ലഭിച്ചു കൊണ്ടിരിക്കുന്നത്.
പലരും നിരഞ്ജനയുടെ പോസ്റ്റിനു താഴെ കമന്റുകള് ഇടുന്നുണ്ട്. ‘ഹാ ഹാ കഷ്ടം...കുഴപ്പമില്ലെടി... ഗുഡ് സ്പിരിറ്റ് ..’’ എന്നായിരുന്നു
ഗായകൻ വിജയ് യേശുദാസും നിരഞ്ജനയുടെ വിഡിയോയ്ക്കു താഴെ കമന്റിട്ടിരിക്കുന്നത്. ഏതാനും ദിവസങ്ങൾക്കു മുൻപ് ഗുരുവായൂർ ക്ഷേത്രത്തിൽ വച്ചായിരുന്നു നടിയുടെ നൃത്ത അരങ്ങേറ്റം. അമ്മ നാരായണി നടത്തുന്ന പുനർജനി എന്ന നൃത്ത വിദ്യാലയത്തിന്റെ പ്രവർത്തനങ്ങളിലും സജീവമാണ് നിരഞ്ജന.
