മുംബൈ: ബോളിവുഡിലെ വിവാദ നായിക നടി രാഖി സാവന്തിനെ പോലീസ് അറസ്റ്റ് ചെയ്തു. ബോളിവുഡിലെ മറ്റൊരു വിവാദ നായിക ഷെര്ലിന് ചോപ്രയുടെ പരാതിയില് അംബോലി പോലീസാണ് താരത്തെ കസ്റ്റഡിയില് എടുത്തിരിക്കുന്നത്. ഉടന് തന്നെ താരത്തെ അന്ധേരി കോടതിയില് ഹാജരാക്കും.
സാമൂഹ്യമാധ്യമങ്ങളിലൂടെ തന്റെ അശ്ളീല ഫോട്ടോകളും വീഡിയോകളും പുറത്തുവിട്ടു എന്ന ഷെര്ലിന്റെ പരാതിയിലാണ് രാഖിയെ പോലീസ് അറസ്റ്റ് ചെയ്തത്. ഇരുവരും നേരത്തെ മുതല് പരസ്പരം വഴക്കടിക്കുന്ന താരങ്ങളാണ്. ഷെര്ലിന് രാഖിയുടെ അറസ്റ്റ് ട്വിറ്ററില് ആഘോഷിച്ചിട്ടുമുണ്ട്.
നേരത്തേ സാജിദ് ഖാനെതിരേ ഷെര്ലിന്ചോപ്ര മീടൂ പ്രചരണം നടത്തിതിന് പിന്നാലെ ഷെര്ലിനും രാഖിയും തമ്മില് നടത്തിയ വാക്പോര് ശ്രദ്ധേയമായിരുന്നു. ഷെര്ലിനെ അനുകരിച്ച രാഖി അവര് നടത്തുന്ന ആരോപണങ്ങളെല്ലാം തെമ്മാടിത്തരവും വിഡ്ഡിത്തവുമാണെന്ന് പറഞ്ഞിരുന്നു.
ഇതിന് മറുപടിയുമായി ഷെര്ലിന് ചോപ്രയും എത്തിയിരുന്നു. ഇതിനെ തുടര്ന്ന് ഷെര്ലിന് തനിക്കെതിരേ ഹീനമായ പരാമര്ശം നടത്തിയെന്ന് കാണിച്ച് രാഖി പോലീസില് പരാതി നല്കുകയും ചെയ്തിരുന്നു. നേരത്തേ തന്നെ സാജിദ് ഖാനെതിരേ മീടൂ ക്യാമ്പയിനില് പോലീസിന് പരാതി നല്കിയിട്ടുള്ള ഷെര്ലിന് സാജിദിനേയും രാജ് കുന്ദ്രയെയും പിന്തുണയ്ക്കുന്നതിന് രാഖിയുമായി വഴക്കിട്ടിരുന്നു.
