ന്യൂഡല്ഹി: തലസ്ഥാനത്ത് പുലര്ച്ചെ വനിതാകമ്മീഷന് സ്വാതി മലിവാല് ആക്രമിക്കപ്പെട്ട സംഭവത്തിന്റെ വീഡിയോ പുറത്ത്. മലിവാലിനോട് ഡ്രൈവര് അനാവശ്യം പറയുന്നതും താരം തിരിച്ചു പറയുന്നതും ഒടുവില് കാറിനുള്ളില് കൈ കുടുക്കി ഡ്രൈവര് വണ്ടി വിട്ടു പോകുന്നതിന്റെയും വീഡിയോയാണ് പുറത്തുവന്നിരിക്കുന്നത്. സംഭവം നാടകമാണെന്നാണ് ബിജെപി പറയുന്നത്.
ബുധനാഴ്ച രാത്രി എയിംസ് ഹോസ്പിറ്റലിന്റെ മുന്നില് തെരുവില് വെച്ചായിരുന്നു സംഭവം. വാഹനത്തിലേക്കുള്ള ഡ്രൈവറുടെ ക്ഷണം മലിവാല് നിഷേധിക്കുന്നത് വീഡിയോയിലുണ്ട്. ''കേള്ക്കാന് വയ്യ. നീ എന്നെ എവിടെ ഇറക്കിവിടും? എനിക്ക് പോകേണ്ടത് വീട്ടിലേക്കാണ്. എന്റെ ബന്ധുക്കള് വന്നുകൊണ്ടിരിക്കുകയാണ്.'' വനിതാകമ്മീഷന് അദ്ധ്യക്ഷ പറയുന്നു.
മലിവാല് ഇത് പറഞ്ഞിട്ട് നടന്നു പോകുമ്പോള് ഡ്രൈവര് അരിശത്തോടെ ഓടിച്ചുപോയി യുടേണ് എടുത്ത് തിരികെ വന്നപ്പോള് നീ വീണ്ടും വന്നിരിക്കുകയാണോ ഇതു വേണ്ടെന്ന് നിന്നോട് ഞാന് വീണ്ടും പറയുകയാണെന്ന് മലാവി പറഞ്ഞു. പിന്നീട് ഡ്രൈവിംഗ് സീറ്റിന്റെ വിന്ഡോയ്ക്ക് അരികിലേക്ക് നടന്നു ചെന്ന് കൈ അകത്തേക്ക് ഇട്ടതും ഡ്രൈവര് വാഹനം പെട്ടെന്ന് ഓടിച്ചുപോയി. ഇതിനിടയില് മലാവി ഉച്ചത്തില് കരയുന്നതും വീഡിയോയില് കേള്ക്കാം.
