ടൊവിനോ തോമസ് നായകനായ ‘ഗപ്പി’ സിനിമയിലൂടെ മലയാള സിനിമയിലേക്ക് കടന്നു വന്ന സംവിധായകനാണ് ജോണ് പോള് ജോര്ജ്ജ്. തിയേറ്ററില് മികച്ച വിജയം നേടിയില്ലെങ്കിലും പിന്നീട് ടിവിയിലും മറ്റുമായി എത്തിയപ്പോള് ഏറെ പ്രശംസകള് ഏറ്റുവാങ്ങിയൊരു ചിത്രമാണ് ഗപ്പി.
ഇപ്പോഴിതാ തന്റെ ഏറ്റവും പുതിയ സിനിമയായ ‘രോമാഞ്ചം’ തിയേറ്ററിലെത്തുന്ന സന്തോഷവും ഒപ്പം അല്പ്പം നൊമ്പരവും ഷെയര് ചെയ്യുകയാണ് ജോണ് പോള്. തന്റെ സോഷ്യല് മീഡിയ അക്കൗണ്ടിലൂടെയാണ് താരമിത് ഷെയര് ചെയ്തത്. സിനിമയ്ക്കു വേണ്ടി കച്ചവടത്തിന്റെ കണക്ക് പുസ്തകമെല്ലാം തകര്ന്നെന്നും ഗപ്പി തീയറ്ററിൽ കാണാൻ പറ്റാതിരുന്നപ്പോൾ വച്ച് നീട്ടിയ ആ ടിക്കറ്റിന്റെ പൈസ രോമഞ്ചത്തിനു വേണ്ടി നല്കണമെന്നുമൊക്കെ കുറിച്ചിട്ടുണ്ട്.
‘‘രോമാഞ്ചം വെള്ളിയാഴ്ച തീയറ്ററിൽ വരുകയാണ്, കച്ചവടത്തിന്റെ കണക്ക് പുസ്തകമെല്ലാം തകരുകയും തകർക്കപ്പെടുകയും ചെയ്തപ്പോൾ ജീവിതവും കരിയറുമെല്ലാം പണയത്തിലായി..
ഇനി നിങ്ങൾ പ്രേക്ഷകരിൽ മാത്രമാണ് ഏക പ്രതീക്ഷ. നിങ്ങൾക്ക് മുന്നിൽ വന്ന് കൈകൂപ്പി കരഞ്ഞു ടിക്കറ്റെടുക്കണമെന്ന് അപേക്ഷിക്കണമെന്നുണ്ട്, എന്റെ ആത്മാഭിമാനം അതിനനുവദിക്കുന്നില്ല, നിങ്ങൾക്കും അതിഷ്ടമാവില്ല.....
അതുകൊണ്ട് ചോദിക്കുവാ, അന്ന് ഗപ്പി തീയറ്ററിൽ കാണാൻ പറ്റാതിരുന്നപ്പോൾ നിങ്ങളെനിക്ക് വച്ച് നീട്ടിയ ആ ടിക്കറ്റിന്റെ പൈസയില്ലേ..... അത് രോമാഞ്ചത്തിനായ് ഒരു ടിക്കറ്റെടുക്കാൻ ഉപയോഗിച്ചാൽ എനിക്ക് ഇനിയും മുന്നോട്ട് പോകാനാകും.
ഒരു റീ-റിലീസിങ്ങിനും കൂടിയുള്ള ത്രാണി എനിക്കില്ല.
പ്രതിസന്ധികളിലൂടെയും കുറ്റപ്പെടുത്തലുകളിലൂടെയും കടന്നുപോയപ്പോൾ ഒപ്പം നിന്ന ഗിരീഷിനും, ജോബി ചേട്ടനും, സമീറിക്കക്കും,അസ്സീമിക്കക്കും, ഷാജി സാറിനും, പ്രീയപ്പെട്ട സുഹൃത്തുക്കൾക്കും പ്രാർത്ഥനയോടെ കൂടെ നിന്നവർക്കും നന്ദി പറയുന്നു...
രോമാഞ്ചത്തിന്റെ പ്രമോഷനും, ട്രെയിലറും, പാട്ടുകളും നിങ്ങൾ ഹൃദയത്തിൽ ഏറ്റെടുത്തുവെന്നറിയാം. വഴിയിൽ ഹോർഡിംഗ്സുകൾ കുറവാണെന്നറിയാം നേരത്തെ റിലീസ് ചെയ്യാനിരുന്നപ്പോൾ അതെല്ലാമുണ്ടായിരുന്നു. ഇനിയും വെച്ചാൽ വീണ്ടും വലിയ നഷ്ടമുണ്ടാകും, നിങ്ങൾക്ക് അത് മനസ്സിലാകും.
കേരളത്തിലെ ഏറ്റവും മികച്ച തീയറ്ററുകളിലാണ് രോമാഞ്ചം സെൻട്രൽ പിക്ച്ചേഴ്സ് പ്രദർശിപ്പിക്കുന്നത്, ധൈര്യമായി കാണാം ഈ സിനിമ, അതെന്റെ ഉറപ്പാണ്. ഇഷ്ടപ്പെട്ടാൽ മറ്റുള്ളവരോടും കാണാൻ പറയണം, ഒരു പുതുതലമുറയുടെ പ്രതീക്ഷയാണ് നിരാശപ്പെടുത്തില്ല.
ചിരിക്കാൻ, സന്തോഷിക്കാൻ ഒരു നല്ല തീയറ്റർ അനുഭവത്തിനായ് നമുക്ക് കാത്തിരിക്കാം, ഫെബ്രുവരി -3. ബുക്കിംങ് ആരംഭിച്ചിട്ടുണ്ട്..
ഈ യാത്രയിൽ ആരെയെങ്കിലും ഞാൻ വേദനിപ്പിച്ചുവെങ്കിൽ എന്നോട് ക്ഷമിക്കണം, ഒപ്പം നിക്കണം, ശരിക്കും കച്ചിത്തുരുമ്പാണ്.
രോമാഞ്ചത്തിന്റെ ഓട്ടം ഞാൻ പൂർത്തിയാക്കി.. ഇനി ഒരു സിനിമ ചെയ്യാൻ ഞാൻ വരുമോ ഇല്ലയോ എന്നെനിക്കറിഞ്ഞുകൂടാ.....
പ്രതീക്ഷയോടെ
ജോൺപോൾ ജോർജ്
(ഗപ്പി സിനിമാസ് )
Thank you for the immense support ❤️ജോബിച്ചേട്ടാ...🤗 @joby_007 @goodwillentertainmentsofficial...’’ എന്നാണ് സംവിധായകന്റെ കുറിപ്പ്
ഈ പോസ്റ്റിനു താഴെ ആരാധകരും സിനിമാപ്രവര്ത്തകരുമടക്കം പലരും കമന്റുകളിടുന്നുണ്ട്. നിര്മ്മാതാവ് ജോബി ജോണ് ഈ പോസ്റ്റിനു താഴെ വിശദമായി കമന്റിട്ടിട്ടുണ്ട്. ‘‘ജോബി ജോൺ അവസാനം പറഞ്ഞ രണ്ട് ലൈൻ തിരുത്തണം, നിങ്ങളിലെ നന്മയും, കലയും, പിന്നെ ക്രീയേറ്റിവിറ്റിയും മാത്രം മതി ബാക്കി ദൈവവും,പ്രേക്ഷകരും, ഗുഡ്വിലും നോക്കിക്കോളും അപ്പോൾ അടുത്ത സിനിമയ്ക്കായി ഒരുങ്ങൂ.... Not പ്രൊഡക്ഷൻ, ഡയറക്ഷൻ...’’ എന്നാണ്
