പ്രശസ്ത എഴുത്തുകാരിയും ശശി തരൂര് എംപിയുടെ സഹോദരിയുമായ ശോഭാ തരൂര് തരൂറിനെക്കുറിച്ച് മനസ് തുറക്കുന്നു. ഏട്ടന് വളരെ ഇന്റലിജന്റ് ആണ് , വലിയ മാറ്റങ്ങള് ഇന്ത്യന് രാഷ്ട്രീയത്തില് കൊണ്ട് വരാന് അദ്ദേഹത്തിന് സാധിക്കും .അദ്ദേഹത്തെ പൂര്ണ്ണമായും ഉപയോഗിക്കാന് സാധിക്കണമെന്നാണ് സഹോദരി എന്ന നിലയില് ഞാന് ആഗ്രഹിക്കുന്നതെന്നും അവര് വ്യക്തമാക്കി. തരൂറിനെ സംബന്ധിച്ച് പോളിസി മേക്കര് ആയി മാറാന് സാധിക്കുന്ന വ്യക്തിയാണ്. എന്നാല് എംപി എന്ന നിലയില് കാര്യങ്ങള് ചെയ്യുന്നതിന് അദ്ദേഹത്തിന് പരിമിതികള് ഉണ്ടന്നെും ശോഭ വ്യക്തമാക്കി.
എഴുത്തുകാരന് കൂടി ആയത് കൊണ്ട് ഉറക്കം വരെ ഉപേക്ഷിച്ചാണ് അദ്ദേഹത്തിന്റെ ഇപ്പോഴത്തെ ജിവിതമെന്നും അവര് സൂചിപ്പിച്ചു. പൊളിറ്റിക്സും എഴുത്തും ഒന്നിച്ചായപ്പോള് ലൈഫ് മൊത്തം പോയെന്നും അവര് കൂട്ടിച്ചേര്ത്തു. തരൂറിനെ ബേര്ണിംഗ് ദി മിഡ് നൈറ്റ് എന്നാണ് സഹോദരി വിശേഷിപ്പിച്ചത് . കുട്ടിക്കാലത്തെ ഓര്മ്മകളും അവര് പങ്ക് വയ്ച്ചു. ചെറുപ്പത്തില് അദ്ദേഹം വലിയ ബുക്കിഷ് ആയിരുന്നുവെന്നും വികൃതിയേ ഇല്ലായിരുന്നുവെന്നും അവര്പറഞ്ഞു. ചെറുപ്പം മൂതല് തരൂറിന് ക്രിക്കറ്റ് വലിയ താല്പര്യം ഉള്ള കായികവിനോദമായിരുന്നുവെന്നും ശോഭ കൂട്ടിചേര്ത്തു.
