അക്ഷയ് കുമാര്-ടൈഗര് ഷ്റോഫ് ചിത്രം 'ബഡേ മിയാന് ഛോട്ടേ മിയാന്' ലൊക്കേഷനില് പുള്ളിപ്പുലി ആക്രമണം. സംഭവം നടന്നത് ലൊക്കേഷനു സമീപമാണ്. പുലുയുടെ ആക്രമണത്തില് നിന്ന് 27 വയസുകാരനായ ശ്രാവണ് വിശ്വകുമാറാണ് പരുക്കുകളോടെ രക്ഷപ്പെട്ടത്. ആശുപത്രി.ില് കഴിയുന്ന ശ്രാവണിന്റെ ചിക്ിത്സ ചിലവുകള് നിര്മ്മാണ കമ്പിനി ഏറ്റെടുത്തു.
അപകടം നടന്നത് സുഹൃത്തിനെ വീട്ടിലേക്ക് എത്തിക്കാന് പോകുന്ന വഴിയിലായിരുന്നു. ലൊക്കേഷനില് നിന്നും അടുത്തുള്ള റോഡിലൂടെ ബൈക്കില് പോകുമ്പോള് ഒരു പന്നി റോഡ് മുറിച്ചു കടക്കുന്നതായി കണ്ടു എന്നും പെട്ടെന്ന് അവിടെ നിന്നും പോകാന് സ്പീഡ് കൂട്ടിയപ്പോഴാണ് പന്നിയുടെ പിറകെ പുള്ളിപ്പുലി പാഞ്ഞുവരുന്നത് കണ്ടത് എന്നും ശ്രാവണ് പറയുന്നു.
നിലത്ത് വീണ് ബോധം പോകുമ്പോള് സമീപത്തുകൂടി പുലി നടക്കുന്നത് കണ്ടുവെന്നും ഇയാള് പറഞ്ഞു. ശ്രാവണിനെ ആശുപത്രിയില് എത്തിച്ചത് നാട്ടുകാരാണ്. സിനിമാ സെറ്റുകളിലെ വന്യജീവി ആക്രമണം
തടയാനുളള നടപടി മുഖ്യമന്ത്രി സ്വീകരിക്കണമെന്ന ആവശ്യവുമായി ഓള് ഇന്ത്യ സൈന് വര്ക്കേഴ്സ് പ്രസിഡന്റ് ശ്യാംലാല് ഗുപ്ത രംഗത്തെത്തി.
സമാനമായ സംഭവങ്ങള് മുന്പും ഉണ്ടായിട്ടുണ്ടെന്നും നിരവധി ഷൂട്ടുകള് നടക്കുന്ന പ്രദേശങ്ങളില് സംരക്ഷണം ആരാണ് നല്കുകയെന്നും ശ്യാംലാല് ഗുപ്ത ചോദിക്കുന്നു.
വിഷയത്തില് സര്ക്കാരിന്റെ ശ്രദ്ധ വേണമെന്ന് താന് ആവശ്യപ്പെടുകയാണ് എന്നും ശ്യാംലാല് കൂട്ടിച്ചേര്ത്തു. ഫിലിം സിറ്റി സ്ഥിതി ചെയ്യുന്നത് 100 ഏക്കര് ചുറ്റളവിലാണ്.
അലി അബ്ബാസ് സഫര് സംവിധാനം ചെയ്യുന്ന ചിത്രത്തില് അക്ഷയ്ക്കും ടൈഗര് ഷ്റോഫിനുമൊപ്പം പൃഥ്വിരാജും അഭിനയിക്കുന്നുണ്ട്.
