ലോകമെങ്ങും ആരാധകരുള്ള ചുരുക്കം ബോളിവുഡ് താരങ്ങളില് മുന്നിലാണ് അമീര് ഖാന്. വ്യത്യസ്തവും ശക്തവുമായ കഥാപാത്രങ്ങള് പൂര്ണ്ണതയോടെ അവതരിപ്പിക്കുന്ന മിസ്റ്റര് പെര്ഫക്ഷനിസ്റ്റിനോടുള്ള സ്നേഹം കാണിക്കാനായി ആരാധകര് വിവിധ മാര്ഗ്ഗങ്ങള് സ്വീകരിക്കാറുണ്ട്. അമീര് ഖാന്റെ ആരാധകനായ ആര്യ എന്ന സാന്റ് ആര്ട്ടിസ്റ്റ് ഒരുക്കിയ വീഡിയോ ആണ് ഇപ്പോള് സോഷ്യല് മീഡിയയില് തരംഗം.
അമീര് ഖാന്റെ 50 വര്ഷങ്ങള് പെര്ഫക്റ്റായാണ് സാന്റ് ആര്ട്ടില് അവതരിപ്പിക്കുന്നത്. അമീറിന്റെ ജനനം, കുട്ടിക്കാലത്ത് യാരോന് കി ബാരതിലൂടെയുള്ള അരങ്ങേറ്റം, ഖയാമത്ത് സേ ഖയാമത്ത് തക്ക്, ദില്, ജോ ജിത്താ വഹി സിക്കന്ദര്, അന്ദാസ് അപ്ന അപ്ന, രംഗീല, രാജ ഹിന്ദുസ്ഥാനി, ഇഷ്ക്, സര്ഫരോഷ്, ലഗാന്, ദില് ചഹ്താ ഹയ്, രംഗ് ദേ ബസന്തി, മംഗല് പാണ്ഡെ, ഫനാ, താരേ സമീന് പര്, ഗജനി, 3 ഇഡിയറ്റ്സ്, ഡല്ഹി ബല്ലി, ധൂം 3, പികെ, ഉടന് എത്തുന്ന ദങ്കല്, 2018ല് റിലീസിനെത്തുന്ന തഗ്സ് ഓഫ് ഹിന്ദുസ്ഥാന് എന്നിവയെ മനോഹരമായാണ് സാന്റ് ആര്ട്ടിലൂടെ കാണിച്ചിരിക്കുന്നത്.
[GADS]
സിനിമ ജീവിതത്തിന് പുറമേ അമീറിന്റെ പ്രൊഡക്ഷന് ഹൗസും, ടെലിവിഷന് പരിപാടിയായ സത്യമേവ ജയതേ, ഇന്ക്രഡിബിള് ഇന്ത്യ എന്നിവയെയും വീഡിയോയില് കാണാം. ഡിസംബര് 23നാണ് ദങ്കല് റിലീസ് ചെയ്യുന്നത്. പെര്ഫക്ഷനിസ്റ്റിന് നല്കാവുന്ന ഏറ്റവും പെര്ഫക്റ്റായ സമ്മാനമാണ് കടുത്ത ആരാധകനായ ആര്യയുടേത്.
