തിരുവനന്തപുരം: പ്രായപൂര്ത്തിയാകാത്ത പെണ്കുട്ടിയെ ബലാംത്സംഗം ചെയ്ത് ഗര്ഭിണിയാക്കിയ കേസില് രണ്ടാനച്ഛന് 62 വര്ഷം കഠിന തടവ് വിധിച്ച് കോടതി. ഭാര്യയുടെ ആദ്യ വിവാഹത്തില് ഉണ്ടായ മകളെയാണ് ഇയാള് പീഡിപ്പിച്ചത്.
പ്രതി പെണ്കുട്ടിയെ തട്ടികൊണ്ടുപോകുകയും തടവില് പാര്പ്പിച്ച് പീഡിപ്പിക്കുകയും ആയിരുന്നു. എന്നാല് പെണ്കുട്ടിയെ രക്ഷിക്കാനെത്തിയ പോലീസിന് നേരെ പ്രതി ബോംബെറിഞ്ഞ് രക്ഷപ്പെട്ടിരുന്നു.
2021 ലാണ് കേസിനാസ്പദമായ സംഭവം നടക്കുന്നത്. കഴക്കൂട്ടം പോലീസ് രജിസ്റ്റര് ചെയ്ത കേസില് പിന്നീട് പ്രതി പിടിയിലാകുകയായിരുന്നു. പോക്സോ, വധശ്രമം, സ്ഫോടക വസ്തു ഉപയോഗം, തട്ടികൊണ്ടുപോകല്, പോലീസിനെ ആക്രമിക്കല് തുടങ്ങിയ വകുപ്പുകള് പ്രകാരമാണ് ഉത്തരവ്. തിരുവനന്തപുരം പോക്സോ കോടതിയാണ് വിചരണ പൂര്ത്തിയാക്കിയ ശേഷം പ്രതിയെ ശിക്ഷിച്ചത്.
