മലയാളത്തിന്റെ ഹാസ്യസാമ്രാട്ട് ജഗതി ശ്രീകുമാറിന്റെ മകള് ശ്രീലക്ഷ്മി ശ്രീകുമാര് അഭിനേത്രി, നര്ത്തകി, അവതാരക എന്നീ നിലകളില് മലയാളികള്ക്ക് സുപരിചിതയായ താരമാണ്. കുറച്ചു നാളായി അഭിനയത്തില് നിന്നെല്ലാം മാറി നില്ക്കുകയാണ് താരം. ബിഗ് ബോസ് മലയാളത്തിന്റെ ഒന്നാം സീസണില് മത്സരാര്ഥിയായി എത്തിയതോടെയാണ് താരപുത്രിയെ കുറിച്ച് കൂടുതല് പേര് അറിയുന്നത്. 2019 ല് കൊമേഴ്സ്യല് പൈലറ്റ് ആയ ജിജിന് ജഹാംഗീറിനെ ശ്രീലക്ഷ്മി വിവാഹം ചെയ്തു. ഭര്ത്താവിനും മകനുമൊപ്പം സന്തോഷകരമായ ജീവിതം നയിക്കുകയാണ് നടി. ഇപ്പോഴിതാ മകന്റെ ഒന്നാം പിറന്നാളിന്റെ സന്തോഷത്തിലാണ് ശ്രീലക്ഷ്മി. സോഷ്യല് മീഡിയയിലൂടെ മകന്റെ ഒന്നാം പിറന്നാള് ആഘോഷിക്കുന്ന സന്തോഷം പങ്കുവച്ചിരിക്കുകയാണ് താരം. ശ്രീലക്ഷ്മി പങ്കിട്ട കുറിപ്പും വീഡിയോയും വൈറലായി മാറുകയാണ്. ‘‘എന്റെ ഏറ്റവും വലിയ അനുഗ്രഹമാണ് അര്ഹം. അവന്റെ ആദ്യ പിറന്നാള് ആഘോഷിക്കുകയാണ്. ഈ കഴിഞ്ഞ വര്ഷം ഞങ്ങളുടെ ജീവിതത്തിലെ ഏറ്റവും സന്തോഷം നിറഞ്ഞ വര്ഷമായിരുന്നു. നിരവധി പ്രത്യേക നിമിഷങ്ങള് നിറഞ്ഞതായിരുന്നു, അതിന് ഞങ്ങള് നിന്നോട് നന്ദി പറയണം. ഞങ്ങളുടെ പിഞ്ചോമന! അര്ഹാമിന് നിങ്ങളുടെ എല്ലാ പ്രാര്ത്ഥനകളും അനുഗ്രഹങ്ങളും ഇനിയും വേണം...’’ കുറിപ്പിനൊപ്പം ചിത്രങ്ങളും വീഡിയോയും താരം പങ്കിട്ടിട്ടുണ്ട്. അര്ഹാന് ജിജിന് ജഹാംഗീര് എന്നാണ് ശ്രീലക്ഷ്മി കുഞ്ഞിന് പേരിട്ടിരിക്കുന്നത്.
വിവാഹ ശേഷം ദുബായില് സെറ്റില്ഡ് ആണ് ശ്രീലക്ഷ്മിയും കുടുംബവും. ദുബായിയിലെ റേഡിയോ കേരളയില് ആര്ജെ ആയി ജോലി ചെയ്യുകയാണ് ശ്രീലക്ഷ്മിയിപ്പോള്. ഭര്ത്താവ് ജിജിനും ദുബായില് തന്നെയാണ് ജോലി.
താരങ്ങള് ഉള്പ്പടെ നിരവധി പേരാണ് കുഞ്ഞ് അര്ഹാന് പിറന്നാള് ആശംസകളുമായി എത്തുന്നത്. അവതാരകനായ രാജ് കലേഷും നടി പ്രിയങ്ക നായരുമൊക്കെ ആശംസകള് നേര്ന്നിട്ടുണ്ട്. കുഞ്ഞിന്റെ ജനനശേഷം പല വിശേഷങ്ങളും ശ്രീലക്ഷ്മി സോഷ്യല് മീഡിയയിലൂടെ പങ്കുവച്ചിരുന്നു. തന്റെ ഗര്ഭകാലത്തെ കുറിച്ചൊക്കെയുള്ള ശ്രീലക്ഷ്മിയുടെ പോസ്റ്റുകള് ശ്രദ്ധ നേടിയിരുന്നു. നടന് ജഗതി ശ്രീകുമാറിന്റെ മൂന്നാം ഭാര്യ കലയില് ഉള്ള മകളാണ് ശ്രീലക്ഷ്മി ശ്രീകുമാര്. ശ്രദ്ധേയ സിനിമകളുടെ ഭാഗമാകാനോ നല്ല വേഷങ്ങള് ചെയ്യാനോ സാധിച്ചില്ലെങ്കിലും പല വേദികളിലും അവതാരകയായി കയ്യടി നേടാന് താരപുത്രിക്ക് സാധിച്ചിരുന്നു. ചെറുപ്പത്തിലെ ക്ലാസിക്കല് നൃത്തം അഭ്യസിച്ചിരുന്ന ശ്രീലക്ഷ്മി നല്ലൊരു നര്ത്തകി കൂടിയാണ്. പല വേദികളിലും നൃത്തവും അവതരിപ്പിച്ചിട്ടുണ്ട് താരം.
വാഹനാപകടത്തില് ഗുരുതരമായി പരുക്കേറ്റ് ചികിത്സയില് ആയിരുന്ന ജഗതി ശ്രീകുമാര് പതിയെ ജീവിതത്തിലേക്ക് തിരിച്ച് വന്ന് കൊണ്ടിരിക്കുകയാണ്. അടുത്തിടെ സിബിഐ ഫൈവിലൂടെ വീണ്ടും സിനിമയിലേക്ക് അദ്ദേഹം എത്തിയിരുന്നു. 2012 ല് തേഞ്ഞിപ്പാലത്തിനടുത്തുണ്ടായ കാര് അപകടത്തിലാണ് ജഗതി ശ്രീകുമാറിന് ഗുരുതരമായി പരിക്കേറ്റത്. ഒരു വര്ഷക്കാലം ആശുപത്രിയില് ചികിത്സയില് കഴിഞ്ഞ ശേഷമാണു നടന് അല്പം ആരോഗ്യം വീണ്ടെടുത്തത്. എന്നാല് പൂര്ണ ആരോഗ്യത്തിലേക്ക് എത്താന് നടന് ഇനിയും സാധിച്ചിട്ടില്ല. താരത്തിന്റെ മടങ്ങി വരവിന് കാത്തിരിക്കുകയാണ് സിനിമാപ്രേമികള്.
