95മത് അക്കാദമി പുരസ്കാരത്തിന് നാളെ പുലര്ച്ചെ ഇന്ത്യന് സമയം 5.30ന് തീരശീല ഉയരുകയാണ്. ഇന്ത്യന് സിനിമ പ്രേമികള് ഏറെ പ്രതീക്ഷ അര്പ്പിച്ചിരിക്കുന്നത് ആര് ആര് ആറിലെ നാട്ടു നാട്ടുവിലാണ്. സംഗീത സംവിധായകനും ഗായകനും മുന് ഓസ്കാര് ജേതാവുമായ എ ആര് റഹ്മാന് പുരസ്കാരം ലഭിക്കണമെന്ന് താന് ആഗ്രഹിക്കുന്നു എന്ന് പറയുകയാണ്.
'നാട്ടു നാട്ട് വിജയിക്കണം, അവര് ഗ്രാമി പുരസ്കാരം നേടണമെന്ന് ഞാന് ആഗ്രഹിച്ചിരുന്നു. കാരണം നമ്മില് ആര്ക്ക് പുരസ്കാരം ലഭിച്ചാലും അത് ഇന്ത്യയുടെ അഭിമാനം ഉയര്ത്തുന്നത് പോലെയാണ്. മാത്രമല്ല ലോകത്തിന്റെ ശ്രദ്ധയിലേക്ക് നമ്മുടെ പാട്ട് എത്തുമ്പോള് ഇന്ത്യയില് നിന്നുള്ള മറ്റ് പാട്ടുകളും അവര് കേള്ക്കാന് തല്പര്യപ്പെടും. 'ജയ് ഹോ'യ്ക്ക് ഓസ്കര് ലഭിച്ച ശേഷം പ്രേക്ഷകര് എന്റെ മറ്റ് പാട്ടുകളും കേള്ക്കാന് തുടങ്ങിയിരുന്നു. എന്ത് തന്നെയായലും ഭാരതത്തിന് അഭിമാനമാണ്,' എ ആര് റഹ്മാന് പറയുന്നു.
നാട്ടു നാട്ടു മത്സരിക്കുന്നത് മികച്ച ഗാനം എന്ന വിഭാഗത്തിലാണ്. ഗാനത്തിന് സംഗീതം സംവിധാനം നിര്വഹിച്ചിരിക്കുന്നത് എം എം കീരവാണിയാണ്. ചന്ദ്രബോസാണ് വരികള് എഴുതിയിരിക്കുന്നത്. മൂന്ന് മിനിറ്റും 36 സെക്കന്ഡും ദൈര്ഘ്യമുള്ള ഗാനം ആലപിച്ചിരിക്കുന്നത് രാഹുല് സിപ്ലിഗഞ്ച്, കാല ഭൈരവ എന്നിവര് ചേര്ന്നാണ്.
#WATCH | I want Naatu-Naatu to win awards, I want them to win the Grammy also because any award for any of us will lift India up and the concentration of our culture will become higher: AR Rehman on the song 'Naatu Naatu' nomination for Oscars 2023 pic.twitter.com/5yS01ma2XK
— ANI (@ANI) March 11, 2023
