വാഷിംഗ്ടണ്: ജാതി വിവേചനം നിരോധിക്കുന്ന ആദ്യ യുഎസ് സംസ്ഥാനമായി മാറാന് കാലിഫോര്ണിയ. ജാതിവിവേചനം നിയമം മൂലം അവസാനിപ്പിക്കാനുള്ള ബില്ല് അവതരിപ്പിച്ചു. അഫ്ഗാന് വംശജയായ ഡെമോക്രാറ്റിക് സെനറ്റര് ഐഷാ വഹാബാണ് ബില്ല് സെനറ്റില് അവതരിപ്പിച്ചത്. ബില് പാസ്സാക്കപ്പെട്ടാല് ജാതിവിവേചനം നിയമം മൂലം നിരോധിക്കുന്ന അമേരിക്കയിലെ ആദ്യ സ്റ്റേറ്റായി കാലിഫോര്ണിയ മാറും.
ജാതി വിവേചനത്തിനെതിരേ നിയമം നടപ്പാക്കുന്ന ആദ്യ നഗരമായി സീറ്റില് മാറിയത് കഴിഞ്ഞയാഴ്ചയായിരുന്നു. അമേരിക്കയിലെ ഇന്ത്യാക്കാര്ക്കിടയിലാണ് നിയമം ഏറെ പ്രധാന്യമുള്ളതാകുന്നത്. മനുഷ്യാവകാശത്തെക്കുറിച്ചും സാമൂഹ്യനീതിയെക്കുറിച്ചും വന് ചര്ച്ചകള് നടക്കുന്ന ഇക്കാലത്തും ഇന്ത്യ ഉള്പ്പെടുന്ന ദക്ഷിണേഷ്യന് രാജ്യങ്ങളില് ജാതി വിവേചനം അതിശക്തമായി ജനങ്ങള്ക്കിടയില് തുടരുന്ന പതിവുണ്ട്. ജാതി വിവേചനം ഇന്ത്യയിലും നിയമം മൂലം നിരോധിക്കപ്പെട്ടിട്ടുണ്ടെങ്കിലും ലോകത്തെ ഏറ്റവും പുരാതനവും കര്ക്കശവുമായ ഈ സാമൂഹിക വര്ഗ്ഗീകരണം ഇന്ത്യയില് ഇപ്പോഴും ജനങ്ങള്ക്കിടയില് തുടരുന്നുണ്ട്.
തനിക്ക് ജാതിമൂലമുള്ള മോശം സ്ഥിതി ജീവിതത്തില് അനുഭവിക്കേണ്ടി വന്നിട്ടില്ലെങ്കിലും ദക്ഷിണേഷ്യന് രാജ്യങ്ങളിലെ സാമൂഹിക ക്രമത്തെ ജാതി വിവേചനം പലപ്പോഴും ചലന രഹിതമാറ്റിയിട്ടുണ്ടെന്ന് ബില് അവതരിപ്പിച്ച ഐഷാ വഹാബ് പറഞ്ഞു. ജാതിയുടെ പേരില് ജനങ്ങളെ പല തട്ടുകളാക്കുന്നത് അവരുടെ ജോലി, വിവാഹം, ദൈനംദിന ജീവിതം എന്നിവയെ എല്ലാം ബാധിച്ചിട്ടുണ്ടെന്നും ചൂണ്ടിക്കാട്ടി.
''കാലിഫോര്ണിയയില് ഇത് കൂടുതല് വൈവിദ്ധ്യം കൊണ്ടുവരുമെന്നും അമേരിക്കന് സ്വപ്നങ്ങളിലേക്കുള്ള വഴികളില് കൂടുതല് ജനങ്ങളെ നമുക്ക് സംരക്ഷഇക്കേണ്ടതുണ്ടെന്നും അതിനായി നമ്മുടെ നിയമങ്ങള് കൂടുതല് വിശാലവും കൂടുതല് പേരെ ഉള്ക്കൊള്ളന്നതും ആഴത്തിലുള്ളതുമായി മാറണമെന്നും പറഞ്ഞു. സിലിക്കണ് വാലി പോലെയുള്ള ഇടങ്ങളില് ജാതി വിവേചനത്തെ പുറത്ത് നിര്ത്തണം. പുതിയ നിയമം ദളിത് ജീവനക്കാരെ കമ്പനികള്ക്ക് എങ്ജിനെ കൈകാര്യം ചെയ്യണമെന്ന് തരത്തില് പുതിയ മാനദണ്ഡം ഉറപ്പാക്കുമെന്നും പറഞ്ഞു.
''അനേകം ആള്ക്കാര് വിവേചനത്തിന്റെ സ്വന്തം കഥകള് പങ്കുവെച്ചിട്ടുണ്ട്. ഇതൊരു പൗരാവകാശ ബില്ലാണ്. ഇതൊരു തൊഴിലാളി ബില്ലാണ്. ഇത് സ്ത്രീകളുടെ അവകാശ ബില്ലാണ്.'' ഐഷ പറഞ്ഞു. ഇന്ത്യയിലും പ്രവാസികളിലും ഹിന്ദു ദേശീയത കൂടുതല് പ്രബലമാകുമ്പോള്, ദലിതര്ക്ക് സംരക്ഷണം നല്കുന്നത് ഹിന്ദു വിരുദ്ധമാണെന്ന് പ്രത്യേക ജാതികളില് ജനിച്ച ചിലര് വാദിക്കുന്നു. കമ്മ്യൂണിറ്റികള്ക്കും മതങ്ങള്ക്കും ഇടയില് ബില് പ്രസക്തമാണ്, ഏത് നിലയിലും മുന്നോട്ട് കൊണ്ടുപോകേണ്ടതാണെന്നൂം പറഞ്ഞു.
ഓഫീസുകളില് ദളിത് ജീവനക്കാരോട് കാട്ടുന്ന ശമ്പളഅപഹരണം, സാമൂഹ്യബഹിഷ്ക്കരണം, മാനസീക പീഡനം പോലെയുള്ള കാര്യങ്ങളില് നിന്നും ഓഫീസുകളെ അകറ്റി നിര്ത്തുമെന്നും പറഞ്ഞു.
