ഇന്ത്യക്കാരായ ഭൂരിഭാഗം ആളുകളുടെയും ഏറ്റവും വലിയ സ്വപ്നമാണ് താജ്മഹല് ഒരു നോക്കു കാണുക എന്നത്. പല കാരണങ്ങള്കൊണ്ടും പലര്ക്കും ആ ആഗ്രഹം നടക്കാതെ പോയിട്ടുണ്ട്. എന്നാല് ഇവിടെ ഒരു മകന് കിടപ്പിലായ തന്റെ അമ്മയെ ആ അത്ഭുതം നേരില് കാണിച്ചിരിക്കുകയാണ്. കച്ച് സ്വദേശിയായ മകനാണ് 32 വര്ഷം കിടപ്പിലായ 85 കാരിയായ അമ്മയെ താജ്മഹല് കാണാന് കൊണ്ടുവന്നിരിക്കുന്നത്.
ഇതിനു പിന്നാലെ താജ്മഹല് സന്ദര്ശിക്കാനെത്തിയ ഇവരുടെ ചിത്രങ്ങളും സമൂഹ മാധ്യമത്തില് വൈറലായി. 32 വര്ഷമായി കിടപ്പുരോഗിയാണ് ഇബ്രാഹിമിന്റെ അമ്മ. എന്നാല് അമ്മയുടെ ജീവിതത്തിലെ ഏറ്റവും വലിയ ആഗ്രഹമായിരുന്നു താജ്മഹല് സന്ദര്ശിക്കുക എന്നത്. ആ ആഗ്രഹം സഫലീകരിക്കാന് ഇബ്രാഹീം ഒരു ട്രെയിന് യാത്ര തന്നെ നടത്തി.
സാധാരണയായി സ്ട്രെക്ച്ചറില് കിടക്കുന്നവരെ താജ്മഹല് സന്ദര്ശിക്കാന് അനുവദിക്കാറില്ല. എന്നാല് തന്റെ അമ്മ വീല് ചെയറില് ആണെന്നും അതിനാല് അകത്ത് കയറ്റണമെന്നും ഇബ്രാഹീം അധികൃതരോട് പറഞ്ഞു. അങ്ങനെ ഇബ്രാഹീം അമ്മയുമായി അകത്തു കയറുകയും അമ്മയുടെ ആഗ്രഹം സാധിപ്പിക്കുകയും ചെയ്തു. നിമിഷ നേരങ്ങള്ക്കുള്ളില് വൈറലായ ചിത്രം ഏറെ സനേഹത്തോടെയാണ് ആളുകള് ഏറ്റെടുത്തിരിക്കുന്നത്.
