ജീവിതത്തിലെ ഏറ്റവും വലിയ സമ്പാദ്യം തന്റെ താടിയാണന്ന് കരുതുന്ന ഒരു മനുഷ്യനാണ് കാനഡയില്‍ നിന്നുള്ള സിഖ് അനുഭാവിയായ സര്‍വാന്‍ സിങ്ങ്. പൊന്നുപോലെ കാത്തു സൂക്ഷിക്കുന്ന സര്‍വാന്റെ താടിയ്ക്ക് 8 അടി 3 ഇഞ്ച് നീളമാണ് ഇപ്പോഴുളളത്.
തന്റെ താടിയോടുള്ള അടങ്ങാത്ത പ്രണയം അദ്ദേഹത്തെ മറ്റൊരു വലിയ നേട്ടത്തിനുകൂടി അര്‍ഹനാക്കിയിരിക്കുകയാണ്. ഗിന്നസ് വേള്‍ഡ് റെക്കോര്‍ഡ്‌സ് പ്രകാരം ലോകത്തിലെ ഏറ്റവും നീളം കൂടിയ താടിയുള്ള മനുഷ്യനാണ് ഇപ്പോള്‍ സര്‍വാന്‍ . സ്വീഡന്‍ സ്വദേശിയായ ബിര്‍ഗര്‍ പെല്ലസിന്റെ പേരിലായിരുന്നു മുന്‍പ് ഈ റെക്കോര്‍ഡ്. 2008 ല്‍ ഇതിനു മുന്നേ സര്‍വാന്റെ താടി ഗിന്നസ് വേള്‍ഡ് റെക്കോര്‍ഡ്‌സില്‍ ഇടം പിടിച്ചിട്ടുണ്ട്. അന്ന് 7 അടി 8 ഇഞ്ച് ആയിരുന്നു സര്‍വാന്‍ സിങ്ങിന്റെ താടിയുടെ നീളം.
17 -ാം വയസ്സുമുതല്‍ താടിയോടുള്ള ഇഷ്ടം കാരണം സര്‍വാന്‍ നീട്ടി തുടങ്ങിയതാണ് ഇത്. പിന്നീട് ഒരിക്കല്‍ പോലും ഇദ്ദേഹം താടി മുറിച്ചിട്ടില്ല.് സര്‍വാന്‍ തനിക്ക് ദൈവീകമായ കിട്ടിയ ഒരു വരമായാണ് താടിയെ കാണുന്നത്. ഇദ്ദേഹം തന്റെ താടി പരിപാലനത്തിന് വലിയ പ്രാധാന്യം നല്‍കുന്നുണ്ട്. ഷാംപുവും കണ്ടീഷണറും ഉപയോഗിച്ച് കഴുകി ഉണക്കിയ ശേഷം എണ്ണയും ജെല്ലും തേച്ചാണ് താടി പരിപാലിക്കുന്നത്. പകല്‍ സമയങ്ങളിലും രാത്രിയിലും താടി ഉണങ്ങി കഴിഞ്ഞാല്‍ വലിയ തുണികൊണ്ട് കെട്ടിയാണ് ഇദ്ദേഹം സൂക്ഷിക്കുന്നത്. പ്രത്യേക ആഘോഷങ്ങളിലും മതപരമായ ചടങ്ങുകളിലും പങ്കെടുക്കുമ്പോള്‍ മാത്രമാണ് ഇദ്ദേഹം താടി അഴിച്ചിടാറ്.
Comments