കൊല്ക്കത്ത: ബംഗാളി സിനിമാവേദിയില് വന് വിവാദമുയര്ത്തി നിര്മ്മാതാവിനെതിരേ ഗുരുതര ആരോപണവുമായി ബംഗാളി നടി. മുന്നിര നടിമാരുടെ പട്ടികയിലുള്ള സ്വസ്തികാ മുഖര്ജിയാണ് നിര്മ്മാതാവിനെതിരേ ആരോപണവുമായി രംഗത്ത് വന്നിരിക്കുന്നത്. സന്ദീപ് സര്ക്കാര് എന്ന തന്റെ പുതിയ സിനിമയുടെ സഹ നിര്മ്മാതാവിനെതിരേയാണ് ആരോപണം.
സന്ദീപ് സര്ക്കാരും കൂട്ടാളികളും ചേര്ന്ന് തന്റെ ചിത്രം മോര്ഫ് ചെയ്ത് നഗ്നചിത്രമാക്കി പോണ് വെബ്സൈറ്റുകളിലും ഷെയര് ചെയ്യുമെന്ന് ഭീഷണിപ്പെടുത്തി ഇ മെയിലുകള് അയയ്ക്കുന്നതായിട്ടാണ് ആരോപിച്ചിരിക്കുന്നത്. ഈ വിഷയത്തില് നടി ഗോള്ഫ് ഗ്രീന് പോലീസ് സ്റ്റേഷനിലും ഈസ്റ്റേണ് ഇന്ത്യ മോഷന് പിക്ചേഴ്സ് അസോസിയേഷനിലും പരാതി നല്കിയിട്ടുണ്ട്. ഈ മെയിലിന്റെ സ്കാന് ചെയ്ത കോപ്പിയും പരാതിയ്ക്കൊപ്പം വെച്ചിട്ടുണ്ട്.
നടന് പരബ്രത ചാറ്റര്ജിയ്ക്കൊപ്പം താരം അഭിനയിച്ച പുതിയ സിനിമ 'ഷിബ്പൂര്' ന്റെ സഹ നിര്മ്മാതാവാണ് സന്ദീപ്. സിനിമയുടെ ഷൂട്ടിംഗ് സമയത്തോ ഡബ്ബിംഗ് സമയത്തോ സന്ദീപിനെ കണ്ടിരുന്നില്ലെന്നും ടീമിന് വേണ്ടി സഹ നിര്മ്മാതാവ് അജാന്താ സിന്ഹാ റോയി ആയിരുന്നു എല്ലാ ആശയവിനിമയം നടത്തിയതെന്നും എന്നാല് കഴിഞ്ഞമാസം സന്ദീപ് സര്ക്കാര് തനിക്ക് ഭീഷണിമുഴക്കുന്ന ഏതാനും ഇ മെയിലുകള് അയയക്കുകയായിരുന്നു എന്നാണ് നടി ഒരു വിനോദ പോര്ട്ടലിനോട് പറഞ്ഞത്. താന് അമേരിക്കന് പൗരനാണെന്നും സ്വസ്തിക സഹകരിച്ചില്ലെങ്കില് താവന് അമേരിക്കന് കോണ്സുലേറ്റിനെ സമീപിച്ച് നടിക്ക് ഒരിക്കലും അമേരിക്കന് വിസ കിട്ടാതാക്കുമെന്നും പറഞ്ഞു.
സിനമ നടി പൂര്ത്തിയാക്കുകയും ഡബ്ബിംഗ് നടത്തിക്കൊടുക്കുകയും ചെയ്തു. പ്രമോഷണല് പരിപാടികളില് പങ്കാളിയാകില്ലെന്ന് നടി ഒരിക്കലും പറഞ്ഞിട്ടില്ല. അരിന്ദം ഭട്ടാചാര്യയാണ് സിനിമ സംവിധാനം ചെയ്തത്. സിനിമ മാര്ച്ചില് റിലീസ് ചെയ്യാനാണ് ഇരുന്നത്. തുടര്ന്ന് തന്നെ കിട്ടുന്ന തീയതി നടി നിര്മ്മാണകമ്പനിയ്ക്ക് ഇ മെയില് ചെയ്യുകയുമുണ്ടായി. എന്നാല് സിനിമയുടെ റിലീസിംഗ് തീയതി മാറ്റിയ വിവരം തന്നെ ആരും അറിയിച്ചില്ലെന്നും നടി പറയുന്നു.
പിന്നീട് പല തവണ ഇ മെയില് അയയ്ക്കുകയും സിനിമയുടെ പോസ്റ്റര് തന്റെ സാമൂഹ്യമാധ്യമ പേജിലൂടെ പങ്കുവെയ്ക്കുകയും ചെയ്തിട്ടും ആരില് നിന്നും ഒരു പ്രതികരണവും വന്നില്ല. പിന്നാലെ ഏതാനും ആഴ്ച മുമ്പ് സന്ദീപ് സര്ക്കാരിന്റെ ഒരു സുഹൃത്ത് രവിശര്മ്മയില് നിന്നും തനിക്ക് ഒരു ഇ മെയില് വന്നു. അയാള് മിടുക്കനായ കമ്പ്യൂട്ടര് ഹാക്കറാണെന്നും നടിയുടെ ചിത്രം മോര്ഫ് ചെയ്ത് പോര്ണോഗ്രാഫി വെബ്സൈറ്റില് ഇടുമെന്നും ഭീഷണിപ്പെടുത്തി.
ഇതിനൊപ്പം സ്വസ്തികയുടെ ചിത്രം മോര്ഫ് ചെയ്ത് പൂര്ണ്ണനഗ്നയാക്കി കാണപ്പെടുന്ന നിലയില് രണ്ട് ചിത്രങ്ങളും നടിയ്ക്ക് ഇയാള് ഇ മെയില് ചെയ്തു. ഞെട്ടിപ്പോയ നടി ഉടന് തന്നെ നടപടിയുമായി മുമ്പോട്ട് പോകുകയായിരുന്നു. ഇതിനെ വ്യക്തമായ ലൈംഗിക ചൂഷണം എന്നായിരുന്നു നടി വിശേഷിപ്പിച്ചത്. അതേസമയം രാവിഷ് ശര്മ്മയെ തനിക്കറിയാമെന്ന് സമ്മതിച്ച സന്ദീപ് രാവിഷ് സ്വസ്തികയ്ക്ക് മാത്രമല്ല തന്റെ സെക്രട്ടറിയ്ക്കും ഭീഷണിമെയില് അയച്ചെന്നാണ് പറഞ്ഞിരിക്കുന്നത്.
