ചില മനുഷ്യരും, മൃഗങ്ങളും പലപ്പോഴൊക്കെ അസാധാരണമായ ശരീര പ്രകൃതിയോടെ ജനിക്കാറുണ്ട്. പൊതുവെ മൃഗങ്ങളിലാണ് ഇങ്ങനെ അവസ്ഥ ഉണ്ടാവാറുള്ളത്. അസാധാരണത്വത്തോടെയാണ് ഇത്തരത്തിലുള്ളവര് ജനിയ്ക്കുന്നത്. ഇങ്ങനെ ജനിക്കുന്ന മൃഗങ്ങളില് ചിലത് അതിജീവിക്കുകയും മറ്റ് ചിലത് ജനനത്തോടെ മരിക്കുകയും ചെയ്യാറുണ്ട്.
ഓസ്ട്രേലിയയിലെ വടക്കന് ക്വീന്ലാന്റിന് സമീപത്തെ കൈരി ഹോബി ഫാമില് ഇതുപോലെ ഒരു കോഴി ജനിച്ചിരിയ്ക്കുകയാണ്. പക്ഷേ ഈ കോഴിക്കൊരു പ്രത്യേകത ഉണ്ട്. നാല് കാലുകളുമായാണ് ഈ കോഴി ജനിച്ചത്. സാധാരണയില് നിന്ന് വ്യത്യസ്തമായതിനാല് ഈ കോഴിയെ മറ്റു കോഴികള് അവയുടെ കൂട്ടത്തില് കൂട്ടുന്നില്ലെന്ന് ഫാം ഉടമ പറയുന്നു. ഇതിന്റെ അസാധരണത്വം കാരണം മറ്റ് കോഴികള് നിരന്തരം അക്രമിക്കുകയും പരിക്കേല്പ്പിക്കുകയും ചെയ്യുന്നു. ഈ കോഴിക്ക് പോളിമെലിയ എന്ന രോഗം ബാധിച്ചതിനാലാണ് ഇങ്ങനെ നാല് കാലുകള് കാണുന്നത്. പോളിമെലിയ എന്നാല് അധിക അവയവങ്ങള് വളരുന്ന ഒരു അപൂര്വ അവസ്ഥ എന്നതാണ്.
സാമൂഹിക മാധ്യമത്തിലെൂടെ കൈരി ഹോബി ഫാം ഉടമ ജെസ് ലീമിംഗ്, കോഴിയുടെ അവസ്ഥ വിവരിച്ചതോടെയാണ് ഈ അസാധാരണത്വമുള്ള കോഴി മൃഗസ്നേഹികളുടെ ശ്രദ്ധയില്പ്പെട്ടത്. മറ്റ് കോഴികള് അതിനെ മാത്രം തെരഞ്ഞ് പിടിച്ച് അക്രമിക്കുന്നതില് സങ്കടപ്പെട്ടുകൊണ്ടാണ് ഉടമ സാമൂഹിക മാധ്യമത്തില് കുറിപ്പിട്ടത്. അദ്ദേഹം ഇങ്ങനെ എഴുതി.' എനിക്ക് നാല് കാലുള്ള ഒരു കോഴിയുണ്ട്. ആര്ക്കെങ്കിലും അതിനെ ഏറ്റെടുക്കാന് താത്പര്യമുണ്ടോ? അവളുടെ നട്ടെല്ലില് മുറിവേറ്റുണ്ടായ ഒരു വ്രണമുണ്ട്. ആരെങ്കിലും അവളെ ഏറ്റെടുത്തില്ലെങ്കില് അതിന്റെ ദിവസങ്ങള് പരിമിതമാണെന്ന് ഞാന് കരുതുന്നു. അസാധാരണത്വമുള്ള കോഴി മറ്റ് ജീവികളില് നിന്ന് ആക്രമണം നേരിട്ടേക്കാമെന്ന മുന്നറിയിപ്പും അദ്ദേഹം നല്കി. എന്നാല്, അധികമുള്ള രണ്ട് കാലുകള് ആ കോഴിക്ക് ഒരു ശല്യമായി തോന്നുന്നില്ലെന്നും അദ്ദേഹം കൂട്ടിച്ചേര്ത്തു.
പോസ്റ്റ് ഇട്ടതിനു പിന്നാലെ നിരവധി പേര് കോഴിയെ കളിക്കാക്കിക്കൊണ്ട് കമന്റിട്ടു. നായയെയും പൂച്ചയെയും സ്നേഹിക്കുന്നവരെ കണ്ടിട്ടുണ്ട്. ഇതൊരു കോഴിക്ക് വേണ്ടിയെന്നായിരുന്നു പലരുടെയും കമന്റ്. പ്രാദേശിക വന്യജീവി സംരക്ഷകനായ ഒലിവ് നീധം കോഴിയെ ഏറ്റെടുക്കാന് സന്നദ്ധത അറിയിച്ചു. മാത്രമല്ല ശസ്ത്രക്രിയയിലൂടെ കോഴിയുടെ പ്രശ്നം പരിഹരിക്കുമെന്നും അദ്ദേഹം കൂട്ടിചേര്ത്തു. ഇതേ തുടര്ന്ന് കോഴി പുതിയ വീട്ടിലേക്ക് മാറുമെന്ന് ഓസ്ട്രേലിയന് മൃഗസംരക്ഷണ വകുപ്പ് അറിയിച്ചു.
