അതി കഠിനമായ ചൂടാണ് പുറത്ത്. ചൂടത്ത് പുറത്തിറങ്ങാന് പോലും സാധിയ്ക്കാത്ത അവസ്ഥയാണ് ഇപ്പോള്. കുടയില്ലാതെ വെളിയില് പോവുക എന്നത് ചിന്തിയ്ക്കാനേ പറ്റില്ല. ഈ പൊരി വെയിലത്ത് പണിയെടുക്കുന്ന എത്രയോ ആുകളാണ് നമുക്ക് ചുറ്റും ഉള്ളത്. ഒരു നേരത്തെ വിശപ്പകറ്റാന് വേണ്ടി മണ്ണെന്നോ, മഴയെന്നോ ചിന്തിയ്ക്കാതെ അന്നത്തിനായി പണി ചെയ്യുന്നവര്, കുടുംബത്തിനായി പണി ചെയ്യുന്നവര്. അക്കൂട്ടര്ക്ക് വെയിലൊന്നും ഒരു പ്രശ്നമേയല്ല.
അതു പോലെ പൊരി വെയിലത്ത് ജോലി ചെയ്യേണ്ടിവരുന്ന ഒു കൂട്ടം ട്രാഫിക് പോലീസുകാരുണ്ട്. രാവിലെ തുടങ്ങും അവരുടെ ജോലി. അത് ചിലപ്പോള് രാത്രിയോളം നീളും. പൊള്ളുന്ന വെയിലില് വിയര്ത്തു കുളിച്ച്. ഭക്ഷണം പോലും കഴിയ്ക്കാന് സാധിയ്ക്കാതെ ടാറിട്ട റോഡിന്റെയും, തല പൊക്കത്തുദിച്ചു നില്ക്കുന്ന സൂര്യന്റെയും ചൂടേറ്റ് ,ഒന്നിരിയ്ക്കാന് പോലും നിവര്ത്തിയില്ലാതെ നമ്മളെ പോലെയുള്ള മനുഷ്യരെ നിയമം തെറ്റിക്കാതെ നേര്വഴിക്ക് നടത്താനുള്ള ശ്രമത്തിലാണവര്.
ഇന്സ്റ്റാഗ്രാമില് കഴിഞ്ഞ ദിവസം ഒരു വീഡിയോ വൈറലായി. മറ്റൊന്നുമല്ല, പൊരി വെയിലത്ത് മണിക്കൂറുകളോളം നില്ക്കേണ്ടിവരുന്ന ട്രാഫിക് പോലീസുകാര്ക്ക് കുടിക്കാനായി കുപ്പിവെള്ളം നല്കുന്ന ഒരു വീഡിയോ ആയിരുന്നു അത്. സംഭവം നടന്നത് തെലുങ്കാനയിലാണ്. തെലുങ്കാന ട്രാഫിക് പോലീസുകാര്ക്കാണ് വെള്ളം നല്കുന്നതെന്ന് വീഡിയോയില് പറഞ്ഞിട്ടുണ്ട്. വീഡിയോയ്ക്ക് താഴെയായി ഒരാള് എന്റെ അണ്ണനാണ് നന്ദി, സഹോദരാ എന്ന് കമന്റ് ഇട്ടിരിയ്ക്കുന്നു. കുപ്പി വെള്ളം വാങ്ങിയ ട്രാഫിക് പോലീസുകാരും ബൈക്കുകാരനോട് നന്ദി പറയുന്നതും വീഡിയോയില് കാണാം.
