മലയാളികള്ക്ക് ഏറെയിഷ്ടമുള്ള എവര്ഗ്രീന് താരമാണ് കുഞ്ചാക്കോ ബോബന്. ചാക്കോച്ചനെപ്പോലെ തന്നെ താരത്തിന്റെ കുടുംബവും ആരാധകര്ക്ക് ഏറെ പ്രിയപ്പെട്ടതാണ്. ഭാര്യ പ്രിയയുടെയും മകന് ഇസഹാക്കിന്റെയും വിശേഷങ്ങളും ക്യൂട്ട് വീഡിയോയുമൊക്കെ ചാക്കോച്ചന് പങ്കിടാറുണ്ട്. ചോക്ലേറ്റ് ഹീറോയായി തുടങ്ങിയ താരം കരുത്തുറ്റ നായകവേഷങ്ങളിലും വില്ലന് വേഷങ്ങളിലുമൊക്കെ തിളങ്ങി നില്ക്കുകയാണ്. ഇപ്പോഴിതാ ഭാര്യ പ്രിയയുടെ ജന്മദിനം ബന്ധുക്കള്ക്കും അടുത്ത സുഹൃത്തുക്കള്ക്കുമൊപ്പം ആഘോഷമാക്കിയതിന്റെ ചിത്രങ്ങള് സോഷ്യല് മീഡിയയില് പങ്കുവെച്ചിരിക്കുകയാണ് ചാക്കോച്ചന്.
‘‘എന്റെ പെണ്ണിന്റെ ജന്മദിനത്തില് അവളൊടൊപ്പം ഒരു ബെര്ത്ഡേ ബ്ലാസ്റ്റ്. ഈ അവസരത്തെ കൂടുതല് ആവേശകരമാക്കി മാറ്റാന് ചുറ്റും പ്രിയപ്പെട്ടവര് ഉണ്ടായതില് സന്തോഷം. രസകരങ്ങളായ നിമിഷങ്ങള് നല്കി, സ്നേഹവും നിറച്ച് അവളുടെ വിശേഷപ്പെട്ട ദിവസം അവിസ്മരണീയമാക്കിയതിന് എല്ലാവര്ക്കും ഒരുപാട് നന്ദി. പ്രിയാ...നീ എനിക്ക് എന്തെല്ലാമാണെന്ന് നിര്വചിക്കാന് വാക്കുകള് കിട്ടുന്നില്ല. നീ എനിക്ക് എല്ലാത്തിനേക്കാളും മേലെയാണ്. അനുഗ്രഹങ്ങളും ആശംസകളും ചൊരിയുന്ന ലോകമെമ്പാടുമുള്ള എല്ലാവർക്കും നന്ദി...’’ പ്രിയയ്ക്കൊപ്പമുള്ള ചിത്രം പങ്കുവച്ച് കുഞ്ചാക്കോ ബോബന് കുറിച്ചു. മകന് ഇസഹാക്ക് ബോബന് കുഞ്ചാക്കോയും ചിത്രങ്ങളില് തിളങ്ങി നില്ക്കുന്നത് കാണാം. ജന്മദിനാഘോഷത്തില് കുഞ്ചാക്കോ ബോബന്റെ അടുത്ത സുഹൃത്തുക്കളായ രമേഷ് പിഷാരടിയും മഞ്ജു വാര്യരും പങ്കെടുത്തിരുന്നു.
ചാക്കോച്ചനുമായി ഏറെ അടുത്ത സൗഹൃദം കാത്തുസൂക്ഷിക്കുന്നവരാണ് രമേഷ് പിഷാരടിയും മഞ്ജു വാര്യരും. സംവിധായകന് രതീഷ് ബാലകൃഷ്ണന് പൊതുവാള് അടക്കം നിരവധി സുഹൃത്തുക്കളും പങ്കെടുത്തിരുന്നു. സ്പെഷല് ഫ്രൂട്ട് തീം കേക്കും ഫ്ലോറല് തീം കേക്കുമായിരുന്നു ആഘോഷത്തിന്റെ മറ്റൊരു ആകര്ഷണമായി മാറിയത്. രണ്ട് തീമിലെ കേക്കുകളും ഒപ്പം കപ്പ് കേക്കുകളും താരങ്ങളും നിറഞ്ഞ ആഘോഷത്തിനിടയിലെ ചിത്രങ്ങള് സോഷ്യല് മീഡിയയില് വൈറലാണ്.
