ഭാരതത്തിന്റെ ദേശീയഗാനമാണ് ജനഗണമന. ദേശീയഗാനം െചാല്ലുമ്പോള് ഓരോ ഇന്ത്യക്കാരനും അതിനോട് ആദരവ് പ്രകടിപ്പിക്കാന് എഴുന്നേറ്റ് നില്ക്കാറുണ്ട്. ഇപ്പോഴിതാ ദേശീയഗാനത്തിനോട് അനാദരവ് കാട്ടുന്ന രീതിയില് രണ്ട് പെണ്കുട്ടികളുടെ വീഡിയോ സമൂഹ മാധ്യമങ്ങളില് വൈറലാവുകയാണ്. സിഗരറ്റ് വലിക്കുന്നതിനിടയില് ദേശീയ ഗാനത്തെ അവഹേളിക്കുന്ന പെണ്കുട്ടികളുടെ വീഡിയോ നിമിഷ നേരങ്ങള്ക്കുള്ളില് വൈറല് ആയതോടെ വീഡിയോ ഡിലീറ്റ് ചെയ്ത് അക്കൗണ്ട് കളഞ്ഞ് തടി ഊരാനുള്ള ശ്രമത്തിലാണ് ഇരുവരും.
കൊല്ക്കത്തിയില് നിന്നുള്ള പെണ്കുട്ടികളാണ് ദേശീയഗാനത്തെ അവഹേളിച്ച് എത്തിയിരിക്കുന്നത്. ദേശീയഗാനത്തെ പരിഹസിക്കുകയും സിഗരറ്റിനോട് താരതമ്യം ചെയ്യുകയും ചെയ്യുന്നതാണ് വീഡിയോ. സിഗരറ്റ് കയ്യില് പിടിച്ച് തെറ്റായ വരികള് ഉപയോഗിച്ച് ദേശീയഗാനം ആലപിക്കുകയാണ്. വീഡിയോ പ്രചരിച്ചതോടെ പെണ്കുട്ടികള്ക്കെതിരെ കൊല്ക്കത്ത പോലീസ് കേസെടുക്കുകയും എഫ്ഐആര് രജിസ്റ്റര് ചെയ്യുകയും ചെയ്തിട്ടുണ്ട്.
എന്നാല് ഇവര്ക്കെതിരെ സോഷ്യല് മീഡിയയില് രൂക്ഷ വിമര്ശനമാണ് ഉയരുന്നത്. പെണ്കുട്ടികള്ക്കെതിരെ കര്ശന നടപടി എടുക്കണമെന്ന് ആവശ്യപ്പെട്ട് നിരവധി പേര് രംഗത്തെത്തി. അഭിഭാഷകനായ അത്രായി ഹാല്ദര് ലാല്ബസാര് സൈബര് സെല്ലിലും, ബാരക്പൂര് കമ്മീഷണറേറ്റിലും പരാതി നല്കിയതായി റിപ്പോര്ട്ടുണ്ട്. പരാതിയെ തുടര്ന്ന് അന്വേഷണം ആരംഭിച്ചതായും പൊലീസ് അറിയിച്ചു. പെണ്കുട്ടികള് പ്രായപൂര്ത്തിയാകാത്തവരാണെന്നാണ് റിപ്പോര്ട്ട്.
