അമേരിക്കയിലെ ഒക്ലഹോമയിലുള്ള ഒരു ഡ്രൈക്ലീന് സെന്ററാണ് ഇപ്പോള് സോഷ്യല് മീഡിയയില് ചര്ച്ചയാകുന്നത്. ഈ കടയുടെ പുറത്ത് എഴുതിവെച്ചിരിക്കുന്ന ഒരു ബോര്ഡിന്റെ ചിത്രമാണ് ഇപ്പോള് വന്തോതില് ശ്രദ്ധ നേടുന്നത്. ഇന്റര്വ്യൂവില് പങ്കെടുക്കാന് വസ്ത്രങ്ങള് വൃത്തിയാക്കേണ്ട തൊഴില്രഹിതര്ക്ക് സൗജന്യ ക്ലീനിംഗ് വാഗ്ദാനം ചെയ്യുന്നതാണ് ഈ പരസ്യം.
ഇത്തരത്തില് വ്യത്യസ്തമായൊരു ആശയം മുന്നോട്ട് വച്ചത് ആര്ച്ചര് ക്ലീനേഴ്സ് എന്ന ഡ്രൈക്ലീന് സെന്ററാണ്. ആര്ച്ചര് ക്ലീനേഴ്സ് ഇന്സ്റ്റാഗ്രാമിലൂടെയാണ് തങ്ങളുടെ പുതിയ ചുവടുവയ്പ്പ് വിശദമാക്കിക്കൊണ്ടുള്ള പോസ്റ്റ് ഷെയര് ചെയ്തത്. ''നിങ്ങള് തൊഴില്രഹിതനാണെങ്കില് ഇന്റര്വ്യൂവിന് വസ്ത്രം വൃത്തിയാക്കണമെങ്കില് ഞങ്ങള് അത് സൗജന്യമായി വൃത്തിയാക്കി നല്കും!'' എന്നായിരുന്നു പോസ്റ്ററില് എഴുതിയിരുന്നത്.
ആര്ച്ചര് ക്ലീനേഴ്സിന്റെ ടീം ലീഡറായ കോള്ട്ടണ് ആര്ച്ചര് ഈ പോസ്റ്റ് ഷെയര് ചെയ്തുകൊണ്ട് ഇന്സ്റ്റാഗ്രാമില് കുറിച്ചത് നിങ്ങളുടെ മോശസമയത്ത് നിങ്ങളെ ഏറ്റവും മികച്ചതായി കാണാന് ഞങ്ങള് നിങ്ങളെ സഹായിക്കും എന്നായിരുന്നു. തൊഴില്രഹിതര്ക്ക് സൗജന്യ സേവനം ഉറപ്പു നല്കി കൊണ്ടുള്ള പോസ്റ്റിന് സോഷ്യല് മീഡിയയില് വന് സ്വീകാര്യതയാണ് ലഭിച്ചത്. വലിയ കരുതലിന് നന്ദിയെന്നാണ് പോസ്റ്റിനു താഴെ പലരും കമന്റ് ചെയ്തിരിക്കുന്നത്.
