മലയാള സിനിമാപ്രേക്ഷകരുടെ മനസ്സിലെ നിത്യഹരിതനായകനാണ് കുഞ്ചാക്കോ ബോബന്. ചോക്ലേറ്റ് ഹീറോയായി തുടക്കം കുറിച്ച ചാക്കോച്ചന് കരുത്തുറ്റ കഥാപാത്രങ്ങളിലും വില്ലന് വേഷങ്ങളിലും തിളങ്ങി. ചാക്കോച്ചന്റെ കുടുംബവും പ്രേക്ഷകര്ക്ക് ഏറെ പ്രിയപ്പെട്ടതാണ്. കഴിഞ്ഞ ദിവസം ചാക്കോച്ചന്റെ ഭാര്യ പ്രിയയുടെ ജന്മദിനാഘോഷചിത്രങ്ങള് സോഷ്യല് മീഡിയയില് ട്രെന്ഡിംഗായിരുന്നു. ഇപ്പോഴിതാ മകന് ഇസഹാക്കിന്റെ നാലാം ജന്മദിനത്തില് ചാക്കോച്ചന് കുറിച്ച വരികളും ത്രോബാക്ക് ചിത്രവുമാണ് വൈറലാകുന്നത്.
ജനിച്ച ദിവസം മകനെ കൈയിലെടുത്ത നിമിഷവും നാലാം വയസ്സില് മകനെ എടുത്തുനില്ക്കുന്ന ചിത്രവും ചേര്ത്തുവച്ചാണ് ചാക്കോച്ചന്റെ കുറിപ്പ്.
‘‘എന്റെ മകന് ഇന്ന് നാല് വയസ്സ്, സമയം എത്ര പെട്ടെന്നാണ് കടന്നുപോകുന്നതെന്ന് ചിന്തിക്കാനേ കഴിയുന്നില്ല. ജിവിതം നിനക്കായി കരുതിവച്ചിരിക്കുന്നതെല്ലാം അനുഭവിക്കാന് നിനക്ക് കഴിയുമെന്ന് പ്രതീക്ഷിക്കുന്നു. നീ ഒരു നല്ല മനുഷ്യനായി വളര്ന്ന് വലുതാകുമെന്നും പ്രതീക്ഷിക്കുന്നു. നിന്റെ മുഖത്തെ ചിരി എന്നും കാത്തുസൂക്ഷിക്കുക അത് മറ്റുള്ളവരുടെ മുഖത്ത് ചിരി പടര്ത്താനും ഒരു കാരണമാകട്ടെ. ഹാപ്പി ബര്ത്ത്ഡേ ഇസ്സു ബോയ്...’’ ചിത്രത്തിനൊപ്പം ചാക്കോച്ചന് കുറിച്ചു. ഒന്നാം ദിവസം മുതല് 1461-ാം ദിവസം വരെ എന്ന ക്യാപ്ഷനും നല്കിയാണ് ആശംസകുറിപ്പും ചിത്രവും താരം പങ്കിട്ടിരിക്കുന്നത്.
ഇസയ്ക്ക് ആശംസകളുമായി നിരവധി പേരാണ് എത്തുന്നത്. സംവൃത ‘ഹാപ്പി ബര്ത്ത്ഡേ ബേബി’ എന്നാണ് കുറിച്ചിരിക്കുന്നത്. രമേഷ് പിഷാരടി, സൗബിന് ഷാഹിര്, മിയ, മിഥുന് എന്നിങ്ങനെ സഹപ്രവര്ത്തകരും സുഹൃത്തുക്കളുമടക്കം നിരവധി പേര് ആശംസാകമന്റുകള് കൊണ്ട് നിറയ്ക്കുകയാണ്.
ഇതിനൊപ്പം ഇസയുടെ ജന്മദിനാഘോഷത്തിന്റെ ചിത്രങ്ങളും ചാക്കോച്ചന് പങ്കിട്ടിട്ടുണ്ട്. ‘ഡിനോ’ തീമിലുള്ള പാര്ട്ടിയുടെ ചിത്രങ്ങളില് ചാക്കോച്ചനും ഭാര്യ പ്രിയയും മകന് ഇസയും അതേ തീമിലുള്ള ഡ്രസ്സിംഗിലും തിളങ്ങുകയാണ്. സ്വാഗതം.... ഇസുവിന്റെ ഡിനോ വേള്ഡിലേക്ക്...ഇസുവിന്റെ ഡിനോ പാർട്ടിയിൽ നിന്നുള്ള ചില സ്നിപ്പെറ്റുകൾ പങ്കിടുന്നു. ഒപ്പം എല്ലാവരുടെയും പ്രാർത്ഥനകൾക്കും ആശംസകൾക്കും സ്നേഹത്തിനും നന്ദി പറയാൻ ഈ അവസരം വിനിയോഗിക്കുന്നു...’’ എന്ന ക്യാപ്ഷനും നല്കിയാണ് ചാക്കോച്ചന് ചിത്രം പങ്കിട്ടിരിക്കുന്നത്.
