മലയാളത്തിന്റെ ലേഡി സൂപ്പര്സ്റ്റാറായി തിളങ്ങി നില്ക്കുന്ന താരമാണ് മഞ്ജു വാര്യര്. നടനായും സംവിധായകനായും മലയാള സിനിമയില് തന്റെ സാന്നിധ്യം അറിയിക്കുന്ന താരമാണ് സൗബിന് ഷാഹിര്. ഇവര് രണ്ടുപേരും ഒരുമിച്ച് എത്തിയ ‘വെള്ളരിപ്പട്ടണം’ പ്രേക്ഷകര് ഏറെ ആസ്വദിച്ച് സ്വീകരിച്ചതാണ്. ഓണ് സ്ക്രീനില് മാത്രമല്ല ഓഫ് സ്ക്രീനിലും ഇരുവരും നല്ല സൗഹൃദത്തിലാണ്. എന്നാല് ഇരുവരും ബൈക്കിംഗിലും പാട്ണേഴ്സാണെന്ന കാര്യം അധികമാര്ക്കും അറിയാത്ത കാര്യമാണ്. ഇപ്പോഴിതാ ബൈക്കിംഗിനിടെയുള്ള ഇരുവരുടെയും ചിത്രങ്ങള് പങ്കുവച്ചിരിക്കുകയാണ് മഞ്ജുവാര്യര്. ‘‘മുഖാമുഖം നില്ക്കാത്ത ഭയം എനിക്ക് അതിര്ത്തികള് തീര്ക്കും. നല്ല സുഹൃത്തുക്കളായും ക്ഷമയുള്ള വഴികാട്ടികളായും നില്ക്കുന്നതിന് സൗബിന് ഷാഹിറിനും ബിനീഷ് ചന്ദ്രയ്ക്കും നന്ദി. കൂള് കക്ഷികളാണ് നിങ്ങള്... മറ്റൊരു പ്രധാനപ്പെട്ട കാര്യം കൂടി, ബൈക്ക് ഓടിക്കുമ്പോള് ഹെല്മറ്റ് നിര്ബന്ധമായും ധരിക്കണം ചിത്രത്തില് അത് ധരിക്കാന് ഞാന് മറന്നതില് ക്ഷമിക്കുക...’’ എന്ന ക്യാപ്ഷനും നല്കിയാണ് താരം ചിത്രം പങ്കിട്ടിരിക്കുന്നത്.
ടൂവീലര് ലൈസന്സ് ജനുവരിയില് മഞ്ജു സ്വന്തമാക്കിയിരുന്നു. ആ സമയത്തു തന്നെയാണ് തല അജിത്തിനൊപ്പം മഞ്ജു ലാഡാക്കിലേയ്ക്ക് ബൈക്ക് ട്രിപ്പ് നടത്തിയതും. ബൈക്ക് വാങ്ങാനും ഓടിക്കാനുമുള്ള തന്റെ ആഗ്രഹത്തെ കുറിച്ചും മഞ്ജു പറഞ്ഞിരുന്നു. പിന്നീടാണ് മഞ്ജു ബൈക്ക് സ്വന്തമാക്കിയത്. ജര്മ്മന് വാഹന നിര്മ്മാതാക്കളായ ബിഎംഡബ്ല്യുവിന്റെ 1250 ജിഎസ് എന്ന ബൈക്ക് ആണ് മഞ്ജു സ്വന്തമാക്കിയത്.
