മലയാളത്തിന്റെ ഹാസ്യസാമ്രാട്ട് മാമുക്കോയയുടെ വിടവാങ്ങല് സിനിമാലോകത്തെ മാത്രമല്ല ആരാധകരെയും ഏറെ സങ്കടത്തിലാക്കിയിട്ടുണ്ട്. ഒട്ടുമിക്ക പ്രമുഖരും തങ്ങളുടെ അനുഭവങ്ങളും സങ്കടങ്ങളുമൊക്കെ സോഷ്യല് മീഡിയയിലൂടെ കുറിച്ചിട്ടുമുണ്ട്. ഇപ്പോഴിതാ സംവിധായകനും അഭിനേതാവുമൊക്കെയായ പൃഥ്വിരാജും തന്റെ സങ്കടം വരികളിലൂടെ പ്രകടിപ്പിച്ചിരിക്കുകയാണ്. ‘‘റെസ്റ്റ് ഇന് പീസ്, മാമുക്കോയ സർ! നിങ്ങളുമായി ഒന്നിലധികം തവണ സ്ക്രീൻ സ്പെയ്സ് പങ്കിടാനുള്ള അവസരം എനിക്ക് കിട്ടിയത് വലിയൊരു ഭാഗ്യമായി കരുതുന്നു. പക്ഷേ, ‘കുരുതി’യില് നിങ്ങള് ‘മൂസ’യെന്ന കഥാപാത്രത്തെ അനായാസമായി അഴിച്ചുവിട്ടത് അടുത്തു നിന്ന് കണ്ടത് ഞാൻ എക്കാലവും നെഞ്ചേറ്റുന്ന ഒരു ഓർമ്മയായിരിക്കും! ശരിക്കുമൊരു ഇതിഹാസമാണ് നിങ്ങള്...’’ എന്നാണ് പൃഥ്വിരാജ് കുറിച്ചത്. കുരുതിയിലെ ക്യാരക്ടര് ഇമേജും താരം പങ്കുവച്ചിട്ടുണ്ട്. അടുത്തിടെ മാമുക്കോയ എന്ന കലാകാരന് ചെയ്തതില് ഏറ്റവുമധികം പ്രശംസ നേടിക്കൊടുത്തതാണ് കുരുതിയിലെ മൂസ. പൃഥ്വിരാജും റോഷനും നിറഞ്ഞഭിനയിച്ച ‘കുരുതി’യില് കേന്ദ്രകഥാപാത്രമായി തിളങ്ങിയത് മാമുക്കോയ തന്നെയാണ്.
