തിയേറ്ററില് പോസിറ്റീവ് പ്രതികരണം നേടി മുന്നേറുകയാണ് സത്യന് അന്തിക്കാടിന്റെ മകന് അഖില് സത്യന് സംവിധാനം ചെയ്ത ‘പാച്ചുവും അത്ഭുതവിളക്കും’. ഫഹദ് ഫാസിലിനെ നായകനാക്കി അഖില് സത്യന് ആദ്യമായി സംവിധാനം ചെയ്യുന്ന ചിത്രം കൂടിയാണിത്. സമ്മിശ്ര പ്രതികരണം നേടുന്ന ഇത് ഒരു കോമഡി ഫീല് ഗുഡ് വിഭാഗത്തില് പെടുന്ന ചിത്രമാണ്. വിടപറഞ്ഞ മലയാളികളുടെ പ്രിയനടന് ഇന്നസെന്റ് അവസാനമായി അഭിനയിച്ച ചിത്രം കൂടിയാണിത്. ഇപ്പോഴിതാ ഈ ചിത്രത്തെക്കുറിച്ച് അശ്വിന് പ്രസാദ് കുറിച്ച വരികളാണ് സോഷ്യല് മീഡിയയില് ശ്രദ്ധ നേടുന്നത്.
‘ഫീല് ഗുഡ് ആക്കാന് വേണ്ടി ക്രിയേറ്റ് ചെയ്തു എടുക്കുന്ന ഒരു ഫീല് ഇതില് നിന്നും ഉണ്ടായില്ല’ എന്നാണ് അഖില് കുറിച്ചിരിക്കുന്നത്.
‘‘Paachuvum Albhuthavilakkum സിനിമ ഇഷ്ടമായി. സ്ഥിരം പാറ്റേൺ തന്നെയാണ് ഫോളോ ചെയ്യുന്നത്. ഫഹദിനെ ഓവർ ആക്കാതെ അവതരിപ്പിച്ചിട്ടുണ്ട്. ഫഹദിന്റെ മാക്സിമം ഔട്ട്പുട്ട് വന്നു കഴിഞ്ഞതാണ്. ഇനി ഇത് ഒരു ആവർത്തന വിരസത തന്നെ ആകും..
ജസ്റ്റിൻ പ്രഭാകരന്റെ മ്യൂസിക് ഒരു രക്ഷയില്ല. ഓരോ പടവും കഴിയുമ്പോഴും പലതരത്തിലുള്ള കമ്പോസിങ്ങുകൾ. ഓരോ സിനിമയ്ക്കും യൂണിക്ക് ആയ മ്യൂസിക് ആണ് ചെയ്യുന്നത്. ആര്യ സിനിമയിലെ ബിജിഎം അടിപൊളി ആയി പല സ്ഥലങ്ങളിലും ഇതിൽ പ്ളേസ് ചെയ്തിട്ടുണ്ട്..
നായികയായ അഞ്ജന ജയപ്രകാശ് അന്യായ സ്ക്രീൻ പ്രസൻസ് ഉണ്ട്. മലയാളത്തിൽ കണ്ടുമടുത്ത നായികമാരിൽ നിന്നും മാറ്റി പിടിച്ചു പുതിയ ഒരു ഫേസ് കൊണ്ട് വന്നു... അഖിൽ സത്യൻ പ്രിയദർശന്റെ AD ആയിരുന്നത്കൊണ്ട് അതിന്റെ ഒരു ടച്ച് ഉണ്ടാവും എന്നു കരുതി. പക്ഷെ സത്യൻ അന്തിക്കാടിന്റെ ഫോർമുല തന്നെ പിന്തുടരുന്നു. ഫീൽ ഗുഡ് ആക്കാൻ വേണ്ടി ക്രിയേറ്റ് ചെയ്തു എടുക്കുന്ന ഒരു ഫീൽ ഇതിൽ നിന്നും ഉണ്ടായില്ല എന്നതാണ് സിനിമയെ ഇഷ്ടപ്പെടുത്തുന്നത്...’’ എന്നാണ് അഖില് കുറിച്ചിരിക്കുന്നത്.
‘ഞാന് പ്രകാശന്’ എന്ന ഫഹദ് ചിത്രത്തിന്റെ സഹ സംവിധായകനായിരുന്നു അഖില്. ‘പാച്ചുവും അത്ഭുതവിളക്കും’ ഫുള് മൂണ് സിനിമയുടെ ബാനറിലാണ് എത്തിയത്. മുകേഷ്, ഇന്ദ്രന്സ്, അല്ത്താഫ് സലിം, നന്ദു എന്നിവരും ചിത്രത്തില് മറ്റ് പ്രധാന കഥാപാത്രങ്ങള്.
