മലയാളികളുടെ സ്വന്തം സൂപ്പര്സ്റ്റാറാണ് മമ്മൂട്ടി. അമ്പതോളം വര്ഷങ്ങളായി മലയാളിയുടെ സ്വകാര്യ അഹങ്കാരമായി അഭിനയമേഖലയില് നിലകൊള്ളുന്ന മമ്മൂട്ടി വെള്ളിത്തിരയില് അവതരിപ്പിക്കാത്ത കഥാപാത്രങ്ങള് അപൂര്വ്വം. സമീപകാലമായി നായകവേഷങ്ങളില് തന്നെ വ്യത്യസ്ത രീതികള് അവലംബിച്ച് താരം മലയാളികളെ അമ്പരിപ്പിക്കുന്നുണ്ട്. സോഷ്യല് മീഡിയയില് താരത്തിന്റെ വിവിധ ഗെറ്റപ്പിലുള്ള ട്രെന്ഡിംഗ് ചിത്രങ്ങളും ശ്രദ്ധിക്കപ്പെടാറുണ്ട്. ഇപ്പോഴിതാ താരം പങ്കുവച്ച ഒരു ചിത്രമാണ് സോഷ്യല് മീഡിയയില് വൈറലാകുന്നത്. സാള്ട്ട് ആന്ഡ് പെപ്പര് ലുക്കില് വെള്ള വസ്ത്രം ധരിച്ച് കണ്ണട വച്ചിരിക്കുന്ന മമ്മൂട്ടിയെ ആണ് ഫോട്ടോയില് കാണാന് സാധിക്കുന്നത്. ഭീഷ്മപര്വ്വത്തിലെ മൈക്കിളപ്പനെപ്പോലെ തോന്നിക്കും വിധത്തിലാണ് ഗെറ്റപ്പ്. ‘ടേക്കിംഗ് ദ ബാക്ക് സീറ്റ്’എന്നാണ് ചിത്രത്തിന് മമ്മൂട്ടി നല്കിയ ക്യാപ്ഷന്. ചിത്രം പോസ്റ്റ് ചെയ്തതിനു പിന്നാലെ ആരാധകരും സഹപ്രവര്ത്തകരം സുഹൃത്തുക്കളുമൊക്കെ കമന്റുകളിടുന്നുണ്ട്. ‘പ്രിയ മമ്മൂക്ക, നിങ്ങൾ എവിടെ ഇരുന്നു എന്നത് പ്രശ്നമല്ല! നിങ്ങളുടെ പിൻസീറ്റ് എപ്പോഴും മുൻ നിരയിലായിരിക്കും..’ എന്നാണ് ക്യാമറമാനുഗ സംവിധായകനുമായ അഴകപ്പന് കമന്റിട്ടിരിക്കുന്നത്. കുഞ്ചാക്കോ ബോബന്, നിഖില വിമല്, അനുമോള്, സരിത ജയസൂര്യ എന്നിങ്ങനെ പല സഹപ്രവര്ത്തകരും മമ്മൂട്ടിയുടെ മാസ് ലുക്കിനെ പ്രശംസിക്കുന്നുണ്ട്.
‘90 വയസായാല് ഇതിലും ചെറുപ്പമാകും മമ്മൂക്ക. ഇത് വേറെ ലെവലാ.., നിങ്ങള് ഇത് എന്ത് ഭാവിച്ചാണ് മനുഷ്യാ....ഞങ്ങള്ക്കും ഈ നാട്ടില് ജീവിക്കണം. മമ്മൂക്ക... ഇതൊക്കെ കണ്ടാല് പിന്നെ ലൈക് അടിക്കാതെ... രാജകീയം’ എന്നൊക്കെയാണ് ആരാധകരുടെ കമന്റുകള്.
ആക്ഷന് ത്രില്ലര് വിഭാഗത്തില്പ്പെട്ട ‘ഏജന്റ്’ എന്ന തെലുങ്ക് ചിത്രമാണ് മമ്മൂട്ടിയുടേതായി ഏറ്റവും ഒടുവില് റിലീസ് ചെയ്തത്. അഖില് അക്കിനേനിയാണ് നായകനായ ചിത്രത്തില് മേജര് മഹാദേവന് എന്ന പ്രാധാന്യമുള്ള കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. റിസര്ച്ച് ആന്ഡ് അനാലിസിസ് വിംഗ് (റോ) തലവന് മേജര് മഹാദേവനായാണ് മമ്മൂട്ടി ഏജന്റില് എത്തുന്നത്. സുരേന്ദര് റെഡ്ഡി രചനയും സംവിധാനവും
ചെയ്ത ചിത്രത്തില് സാക്ഷി വൈദ്യയാണ് നായിക.
