സിഡ്നി: കഴിഞ്ഞ വര്ഷത്തെ മിസ് യൂണിവേഴ്സ് ഫൈനലിസ്റ്റും ഓസ്ട്രേലിയന് ഫാഷന് മോഡലുമായ സിയേന്ന വെയ്ര് കുതിരപ്പുറത്ത് നിന്നും വീണുമരിച്ചു. 23 വയസ്സ് മാത്രം പ്രായമുള്ള സിയേന്ന വെയ്ര് ഓസ്ട്രേലിയയിലെ വിന്സര് പോളോ ഗ്രൗണ്ടില് കുതിരസവാരിയ്ക്കിടയില് കുതിര കുതിച്ചു ചാടിയതിനെ തുടര്ന്ന് താഴെ വീണ് ഗുരുതരമായി പരിക്കേല്ക്കുകയായിരുന്നു.
കഴിഞ്ഞമാസമായിരുന്നു സംഭവം ഉടന് തന്നെ യുവതിയെ ആശുപത്രിയില് പ്രവേശിപ്പിക്കുകയും ജീവന്രക്ഷാ ഉപകരണങ്ങളുടെ സഹായത്താല് ദിവസങ്ങള് തള്ളിനീക്കുകയുമായിരുന്നു. എന്നാല് കുടുംബത്തിന്റെ തീരുമാനം അനുസരിച്ച് വ്യാഴാഴ്ച ഇത് എടുത്തുമാറ്റുകയും പിന്നാലെ മരണം സംഭവിക്കുകയുമായിരുന്നു എന്ന് കുടുംബം പറയുന്നു. സാമൂഹ്യമാധ്യമങ്ങളില് സജീവമായിരുന്ന താരത്തിന് ആദരാഞ്ജലിയുമായി അനേകരാണ് നവമാധ്യമങ്ങളില് എത്തിയിട്ടുള്ളത്. താരത്തിന്റെ പേജ് ആരാധകരുടെ സന്ദേശം കൊണ്ട് നിറഞ്ഞു.
ഇംഗ്ളീഷ് സാഹിത്യത്തിലും സൈക്കോളജിയിലും സിഡ്നി സര്വകലാശാലയില് ഇരട്ടബിരുദമുള്ളയാളാണ് വെയ്ര് യു.കെ.യിലുള്ള സഹോദരിയ്ക്കൊപ്പം താമസിക്കാന് പോകാനിരിക്കെയാണ് അപ്രതീക്ഷിതമായി മരണം വന്നു ഭവിച്ചത്. കുതിരസവാരിയോടുള്ള ഭ്രമം മുമ്പും പല തവണ വെളിപ്പെടുത്തിയിട്ടുള്ള താരമാണ് സിയന്ന. മൂന്ന് വയസ്സുള്ളപ്പോള് മുതല് കുതിരസവാരി നടത്തുന്നയാളാണെന്നും അതില്ലാതെ ജീവിതം സങ്കല്പ്പിക്കാന് പോലും കഴിയില്ലെന്നും സെപ്തംബറില് ഒരു അഭിമുഖത്തില് പറഞ്ഞിരുന്ന.
