വര്ഷങ്ങളായി മലയാള സിനിമയിലെ സജീവ സാന്നിധ്യമാണ് ബിന്ദു പണിക്കര്. കോമഡി കഥാപാത്രങ്ങളും ക്യാരക്ടര് റോളുകളും തനിക്ക് നന്നായി വഴങ്ങുമെന്ന് അഭിനയത്തിലൂടെ ബിന്ദു പണിക്കര് തെളിയിച്ചതാണ്. ഇപ്പോഴിതാ തികച്ചും ക്യൂട്ടായ ലുക്കില് തിളങ്ങുന്ന ബിന്ദു പണിക്കരുടെ വീഡിയോയാണ് സോഷ്യല് മീഡിയയില് ശ്രദ്ധ നേടുന്നത്. വസ്ത്രാലങ്കാര മേഖലയിലൂടെ സിനിമയിലെത്തി സംവിധായിക കുപ്പായമണിയുന്ന സ്റ്റെഫി സേവ്യറിന്റെ രജിഷ വിജയന്, ഷെറഫുദ്ദീന് എന്നിവരെ കേന്ദ്ര കഥാപാത്രങ്ങളെത്തുന്ന ‘മധുരം മനോഹര മോഹം’ എന്ന സിനിമയിലെ ഗാനരംഗത്തിലാണ് ബിന്ദു പണിക്കരുടെ ക്യൂട്ട് ലുക്ക്. പിങ്ക്, വെള്ള എന്നീ നിറങ്ങളിലുള്ള ക്യൂട്ട് ഫ്രോക്കില് അതേ നിറത്തിലുള്ള ഹെയര് ബാന്ഡും വച്ചാണ് താരം പ്രത്യക്ഷപ്പെടുന്നത്. ഇതുവരെയും കാണാത്ത ലുക്കിലാണ് താരം എത്തുന്നത്. നടനും ഡാന്സറുമായ റംസാന് ആണ് ഗാനത്തിന്റെ സംവിധായകന്. റംസാന് തന്നെയാണ് നൃത്തവും ചിട്ടപ്പെടുത്തിയത്. രജിഷ തന്നെയാണ് ഗാനം സോഷ്യല് മീഡിയയിലൂടെ പങ്കുവച്ചിരിക്കുന്നത്. ഒരിടവേളയ്ക്കു ശേഷം ബിന്ദു പണിക്കര് വീണ്ടു അഭിനയത്തിലേയ്ക്കു തിരിച്ചു വന്നത് ‘റോഷാക്കി’ലൂടെയാണ്.
കോമഡിയോടൊപ്പം വ്യത്യസ്തമാര്ന്ന കഥാപാത്രങ്ങളിലൂടെ 200 ചിത്രങ്ങളോളം ബിന്ദു പണിക്കര് ചെയ്തിട്ടുണ്ട്. 2001 ല് പുറത്തിറങ്ങിയ സൂത്രധാരന് എന്ന ചിത്രത്തിലെ പ്രകടത്തിനു മികച്ച സ്വഭാവ നടിയ്ക്കുളള സംസ്ഥാന അവാര്ഡും താരത്തിന് കിട്ടി. 1998 ല് ബിജു വി നായരുമായി വിവാഹിതയായ ബിന്ദു പിന്നീട് ആദ്യ ഭര്ത്താവിന്റെ മരണ ശേഷം 2009 ല് നടന് സായ് കുമാറുമായി ജീവിതം പങ്കിടാന് തീരുമാനിക്കുകയായിരുന്നു. ആദ്യ വിവാഹത്തില് കല്ല്യാണി എന്നു പേരായ മകളും ബിന്ദുവിനുണ്ട്.
