ബ്യൂട്ടി ഇന്ഫ്ലുവന്സര്മാര് ഇന്ന് സമൂഹ മാധ്യമങ്ങളില് നിറഞ്ഞു നില്ക്കുകയാണ്. പല ഇന്ഫ്ലുവന്സര്മാരും പല ടിപ്സുകള് തങ്ങളുടെ പ്രേക്ഷകരോട് പറഞ്ഞു കൊടുക്കാറുമുണ്ട്. അവയില് ചിലതൊക്കെ മുട്ടന് പരാജയങ്ങളും ആകാറുണ്ട്. അതൊക്കെ വാരി കൂട്ടി തേച്ച് പണി കിട്ടിയവരും ഒരുപാടാണ്. ചതച്ച മുളകു ലിപ്ഗ്ലോസില് ചേര്ത്ത് ചുണ്ടില് പുരട്ടിയ ഒരു ബ്യൂട്ടി ഇന്ഫ്ലുവന്സറുടെ വീഡിയോ ആണിപ്പോള് സോഷ്യല് മീഡിയയില് വൈറലാകുന്നത്. 'വൈറല് ചില്ലി ലിപ്ഗ്ലോസ്. ഇനി ഇല്ല' - എന്ന കുറിപ്പോടെയാണ് വീഡിയോ യുവതി പങ്കുവച്ചിരിക്കുന്നത്.
ചുണ്ടിനു കൂടുതല് തിളക്കവും നിറവും ലഭിക്കുന്നതിനു വേണ്ടിയാണ് താന് ഇങ്ങനെ ചെയ്തത് പക്ഷേ പണി പാളി പോയി എന്ന് യുവതി പറഞ്ഞു. ആരും തന്നെ ഇത് പരീക്ഷിക്കരുത് എന്ന മുന്നറിയിപ്പോടെയാണ് ഇന്സ്റ്റഗ്രാമിലൂടെ യുവതി വീഡിയോ പങ്കുവച്ചത്. വീഡിയോയില് യുവതി ലിപ് ഗ്ലോസിനൊപ്പം ചതച്ച മുളകു മിക്സ് ചെയ്ത് ചുണ്ടുകളില് പുരട്ടി എന്നാല് അല്പസമയത്തിനു ശേഷം അത് തുടച്ചു കളയുകയും ചെയ്യുന്നതാണ് വീഡിയോയില് ഉള്ളത്.
സമൂഹ മാധ്യമങ്ങളില് വീഡിയോ വൈറലായതോടെ നിരവധി പേരാണ് യുവതിയെ വിമര്ശിച്ചു രംഗത്തെത്തിയത്. വിലപിടിപ്പുള്ള സാധനങ്ങള് ഇത്തരം ആവശ്യങ്ങള്ക്കായി വെറുതെ നശിപ്പിച്ച് കളയരുതെന്നായിരുന്നു പലരും കമന്റ് ചെയ്തത്.
