തിരുവനന്തപുരം: റൂറല് ആശുപത്രികളിലെ ഹൗസ് സര്ജന്മാരുടെ നൈറ്റ് ഡ്യൂട്ടി ഒഴിവാക്കി. സെക്യൂരിറ്റി ഓഡിറ്റ് നടത്തി സുരക്ഷ ഉറപ്പാക്കുന്നത് വരെയാണ് ഉത്തരവിന്റെ കാലാവധി. ആരോഗ്യ മന്ത്രിയുമായി പി ജി ഡോക്ടര്മാരും ഹൗസ് സര്ജന്മാരും നടത്തിയ ചര്ച്ചയ്ക്ക് പിന്നാലെയാണ് നടപടി.മെഡിക്കല് വിദ്യാര്ത്ഥികളുടെ പ്രശ്നം പരിഹരിക്കാന് കമ്മിറ്റി രൂപീകരിക്കുമെന്നും മന്ത്രി അറിയിച്ചു. ഒരു മാസത്തിനകം കമ്മിറ്റി റിപ്പോര്ട്ട് സമര്പ്പിക്കും.എല്ലാ പ്രധാന ആശുപത്രികളിലും പോലീസ് ഔട്ട് പോസ്റ്റ് സ്ഥാപിക്കും. മറ്റിടങ്ങളില് പോലീസ് നിരീക്ഷണമുണ്ടാകും.
ആശുപത്രികളില് സിസിടിവി ക്യാമറ ഉറപ്പാക്കും. മുമ്പ് പിജി വിദ്യാര്ത്ഥികളുമായി ചര്ച്ച നടത്തിയതിന്റെ അടിസ്ഥാനത്തില് തീരുമാനിച്ച കാര്യങ്ങള് കര്ശനമായി നടപ്പിലാക്കാന് മന്ത്രി നിര്ദേശം നല്കിയിട്ടുണ്ട്. അതാത് സ്ഥാപനങ്ങള് പരിശോധിച്ച് ഹോസ്റ്റല് സൗകര്യത്തിന് മുന്ഗണന നല്കാന് ഡിഎംഇയെ ചുമതലപ്പെടുത്തി. ന്യായമായ സ്റ്റൈപെന്റ് വര്ധനയ്ക്കുള്ള പ്രൊപ്പോസല് സര്ക്കാരിന്റെ പരിഗണനയിലാണെന്നും മന്ത്രി വ്യക്തമാക്കി.
മെഡിക്കല് കോളേജുകളില് പബ്ലിക് അഡ്രസ് സിസ്റ്റം നടപ്പിലാക്കും. ചികിത്സാ ക്വാളിറ്റിതയും ജീവനക്കാരുടെ സുരക്ഷയും പ്രധാനമാണ്. രോഗികളുടെ വിവരങ്ങള് അറിയിക്കുന്നതിന് ബ്രീഫിംഗ് റൂം ഉറപ്പാക്കണം മെന്ന് മന്ത്രി വ്യക്തമാക്കി. വാര്ഡുകളില് കൂട്ടിരിപ്പുകാര് ഒരാള് മാത്രമേ പാടുളളു. അത്യാഹിത വിഭാഗത്തില് രണ്ട് പേര് മാത്രം. അത്യാവശ്യ ഘട്ടങ്ങളില് ഉപയോഗിക്കാനുളള അലറാം സമ്പ്രദായം നടപ്പിലാക്കണം. ചീഫ് സെക്യൂരിറ്റി ഓഫീസറുടെ നമ്പര് എല്ലാവര്ക്കും നല്കണം. മെഡിക്കല് വിദ്യാര്ത്ഥികളുടെ മാനസികാരോഗ്യം ഉറപ്പിക്കാനുളള നടപടി സ്വകരീക്കും. വനിതാ ശിശു വികസന വകുപ്പിന്റെ ആഭിമുഖ്യത്തില് ക്രഷ് സംവിധാനം എല്ലാ മെഡിക്കല് കോളേജിലും നടപ്പിലാക്കുമെന്നും മന്ത്രി പറഞ്ഞു.
