കളക്ടര് ദിവ്യ എസ്. അയ്യര് പഠനത്തില് മാത്രമല്ല കലാരംഗത്തും ശോഭിച്ചു നില്ക്കുന്ന ആളാണ്. എഴുത്തിലൂടെ ദിവ്യ പലപ്പോഴും തന്റെ കഴിവ് പ്രകടമാക്കിയിട്ടുണ്ട്. കളക്ടറുടെ പാടാനുള്ള കഴിവ് ജനങ്ങള് നേരത്തെ മനസ്സിലാക്കിയതാണ്. പിന്നീട് മകനു വേണ്ടി പാട്ടു പാടിക്കൊടുക്കുന്നത് സോഷ്യല് മീഡിയയിലൂടെ പുറത്തു വന്നതോടെ ഗായിക ദിവ്യ വീണ്ടും കാഴ്ചക്കാരുടെ മനസ്സ് കീഴടക്കി. ഇപ്പോഴിതാ സർക്കാരിന്റെ രണ്ടാം വാർഷികാഘോഷത്തോടനുബന്ധിച്ച് പത്തനംതിട്ടയിൽ സംഘടിപ്പിച്ച എന്റെ കേരളം പ്രദർശന വിപണന മേളയുടെ ഉദ്ഘാടന ചടങ്ങില് ഗായിക മഞ്ജരിക്കൊപ്പം വേദിയില് നിന്ന് പാട്ടു പാടുന്ന ദിവ്യ എസ്. അയ്യരാണ് സോഷ്യല് മീഡിയയില് താരമാകുന്നത്. ‘ചിന്ന ചിന്ന ആശൈ’ എന്ന ഗാനവും ‘തുമ്പി വാ തുമ്പക്കുടത്തില്..’ എന്നീ സൂപ്പര്ഹിറ്റ് ഗാനങ്ങളുമാണ് കളക്ടര് മഞ്ജരിക്കൊപ്പം പാടുന്നത്. വീഡിയോ ഏറ്റെടുത്തിരിക്കുകയാണ് ജനങ്ങള്.
