ലോട്ടറി അടിക്കുക എന്നത് അത്ര എളുപ്പമുള്ള കാര്യമല്ല. അതിന് ഒരു ഭാഗ്യം ഉണ്ടാകണം. അതുകൊണ്ട് തന്നെ ലോട്ടറി അടിക്കാന് പലരും അതിയായി ആഗ്രഹിക്കാറുണ്ട്. ലോട്ടറി അടിച്ചു കഴിഞ്ഞാല് തുക കൈയ്യില് കിട്ടും. അല്ലാതെ എപ്പോഴും എപ്പോഴും ആ തുക കിട്ടില്ല. എന്നാല് അങ്ങനെ ഒരു ഭാഗ്യം കൈവന്നാല് എന്തായിരിക്കും അവസ്ഥ? വിശ്വസിക്കാന് പ്രയാസമാണെങ്കിലും ഇത്തരത്തില് ഒരാള്ക്ക് ലോട്ടറി അടിച്ചതിന്റെ ഭാഗമായി എല്ലാ മാസവും വലിയ ഒരു തുക ആണ് ഇയാളുടെ അക്കൗണ്ടിലേക്ക് വന്നെത്തുന്നത്.
റോബിന് റീഡല് എന്നയാളാണ് ലോട്ടറി അടിച്ചതിലൂടെ ഈ അത്യപൂര്വ്വ നേട്ടം കൈവരിച്ചത്. $1,000( 82,200ഇന്ത്യന് രൂപ) ആണ് എല്ലാ ആഴ്ചയും ആളുടെ അക്കൗണ്ടിലേക്ക് വരുന്നത്. അതായത് ഓരോ മാസവും മൂന്ന് ലക്ഷത്തിലധികം തുക ഇയാള്ക്ക് കിട്ടും. 14 വര്ഷത്തിലേറെയായി ഒറിഗോണ് ലോട്ടറി ഗെയിം കളിക്കുന്ന ആളായ റീഡലിനെ മെയ് 8 നാണ് ഭാഗ്യം തേടി എത്തിയത്. UNILAD -ന്റെ റിപ്പോര്ട്ട് അനുസരിച്ച്, വിന് ഫോര് ലൈഫ് ഗെയിമില് അദ്ദേഹം ജാക്ക്പോട്ട് നേടി. അങ്ങനെയാണ് ഓരോ ആഴ്ചയും ഈ തുക അക്കൗണ്ടിലേക്ക് എത്തിക്കൊണ്ടിരിക്കുന്നത്.
ഈ വിലപ്പെട്ട ഭാഗ്യത്തോട് റീഡലിന്റെ പ്രതികരണം ഇങ്ങനെയായിരുന്നു, ' അതേ എനിക്ക് സമ്മാനം കിട്ടിയിരിക്കുന്നു, ഞാന് സമ്മാനം നേടിയിരിക്കുന്നു. രണ്ടോ മൂന്നോ വര്ഷത്തിനുള്ളില് എനിക്ക് ജോലിയില് നിന്നും വിരമിക്കാന് സാധിക്കും' എന്നാണ് റീഡല് വ്യക്തമാക്കിയത്. ട്രക്ക് ഡ്രൈവറായി ജോലിചെയ്യുന്ന റീഡല് രണ്ട് മൂന്ന് വര്ഷത്തിനുള്ളില് വിരമിക്കാനും ലോട്ടറിയില് നിന്ന് കിട്ടുന്ന പണം കൊണ്ട് ജീവിതം നയിക്കാനുമാണ് തീരുമാനിച്ചിരിക്കുന്നത്. ഇതിനോടൊപ്പം ബില്ലുകള് അടയ്ക്കാനും, വീട് പുതുക്കി പണിയാനും, വിവാഹ വാര്ഷികം ആഘോഷകരമാക്കാനും റീഡല് പ്ലാന് ചെയ്യുന്നുണ്ട്.
