കണ്ണൂര്: അനധികൃത നടപടികള് നടക്കുന്ന ഡാര്ക്ക് വെബ്സൈറ്റില് റജിസ്റ്റര് ചെയ്ത് യുവാവ് നെതര്ലന്റ്സില് നിന്നും കേരളത്തിലേക്ക് വരുത്തിയ മയക്കുമരുന്ന് പിടികൂടി. കണ്ണൂർ കൂത്തുപറമ്പിൽ പാറാൽ സ്വദേശി കെ പി ശ്രീരാഗിന്റെ പേരിൽ എത്തിയ മയക്കുമരുന്നാണ് എക്സൈസ് പിടിച്ചെടുത്തത്.
ഓണ്ലൈനില് ഓര്ഡര് ചെയ്ത മൂന്ന് ലക്ഷത്തോളം രൂപ വിലമതിക്കുന്നതാണ് മയക്കുമരുന്നെന്നും പോസ്റ്റലില് എത്തുകയായിരുന്നെന്നുമാണ് പോലീസ് പറയുന്നത്. തപാല് ജീവനക്കാര് നല്കിയ വിവരം അനുസരിച്ച് എക്സൈസ് സംഘമെത്തി പായ്ക്കറ്റ് തുറന്ന് പരിശോധിച്ചു.
നെതർലാൻഡ്സിലെ റോട്ടർഡാമിൽ നിന്നും 70 എൽഎസ്ഡി സ്റ്റാമ്പുകൾ ആയിരുന്നു പായ്ക്കറ്റില് ഉണ്ടായിരുന്നത്. ഡാർക്ക് വെബ് വഴിയാണ് സ്റ്റാമ്പുകൾ ഓർഡർ ചെയ്തത് എന്നും ആ സ്റ്റാമ്പുകളാണ് പോസ്റ്റ് ഓഫിസിൽ വന്നത് എന്നും പ്രതി ചോദ്യം ചെയ്യലിൽ സമ്മതിച്ചു.
മെയ് ഒന്നിന് നെമിസിസ് മാർക്കറ്റ് എന്ന ഡാർക് വെബ്സൈറ്റിൽ അക്കൗണ്ട് സൃഷ്ടിച്ച് ബിറ്റ്കോയിൻ കൈമാറിയാണ് എല്എസ്ഡി സ്റ്റാമ്പ് വാങ്ങിയത്. മുമ്പും മയക്കുമരുന്ന് കൈവശം വെച്ചതിന് ശ്രീരാഗിനെ എക്സൈസ് പൊക്കിയിട്ടുണ്ട്. കഞ്ചാവായിരുന്നു അന്ന് കൈവശം ഉണ്ടായിരുന്നത്.
(വാര്ത്തയ്ക്കൊപ്പം നല്കിയിട്ടുള്ളത് പ്രതീകാത്മകചിത്രം)
