തിരുവനന്തപുരം: മുഖ്യമന്ത്രി പിണറായി വിജയന്റെ പോലീസ് ഭരണത്തിനെതിരെ തുറന്നടിച്ച് സി.പി.എം നേതാവ് ആനത്തലവട്ടം ആനന്ദന്. പാര്ട്ടി നിര്ദ്ദേശം അനുസരിച്ചില്ലെങ്കില് പിണറായിക്കെതിരെ നടപടിയുണ്ടാകുമെന്ന് ആനത്തലവട്ടം പറഞ്ഞു. ചാനല് പരിപാടിയിലായിരുന്നു അദ്ദേഹത്തിന്റെ പ്രതികരണം.
തെറ്റുണ്ടെങ്കില് തിരുത്തുന്നതാണ് പാര്ട്ടി നയം. അത് പിണറായി വിജയന്റെ കൂടി നയമാണ്. പാര്ട്ടി പറയുന്ന ജോലി ചെയ്യാനാണ് അദ്ദേഹത്തെ മുഖ്യമന്ത്രിയായി നിയമിച്ചിരിക്കുന്നത്. അല്ലാതെ പിണറായി പറയുന്നത് പാര്ട്ടി എറ്റെടുക്കലല്ല. പാര്ട്ടിയുടെ നിലപാട് അംഗീകരിക്കാന് അദ്ദേഹം ബാധ്യസ്ഥനാണെന്നും ആനത്തലവട്ടം പറഞ്ഞു.
ഡി.ജി.പി ലോക്നാഥ് ബെഹ്റയുടെ നിലപാടുകളോട് വിയോജിപ്പുണ്ടെന്നും ആനത്തലവട്ടം വ്യക്തമാക്കി. കമലിന്റെ വീടിന് മുന്നില് ദേശീയഗാനത്തെ അപമാനിച്ച ബി.ജെ.പിക്കാര്ക്കെതിരെ പോലീസ് എന്തുകൊണ്ട് കേസെടുത്തില്ലെന്ന് ആനത്തലവട്ടം ചോദിച്ചു.
