മലയാളികള്ക്ക് പ്രിയങ്കരിയായി മാറിയ താരങ്ങളിലൊരാളാണ് അനന്യ. പോസിറ്റീവായിരുന്നു ആദ്യ സിനിമ. ജയസൂര്യയായിരുന്നു ചിത്രത്തിലെ നായകന്. വ്യത്യസ്തമാര്ന്ന ഒട്ടനവധി കഥാപാത്രങ്ങളെ അവതരിപ്പിച്ച താരം ഇടയ്ക്ക് ബ്രേക്കെടുത്തിരുന്നു. മലയാളത്തിലും തമിഴിലുമായി സിനിമകള് ചെയ്തിട്ടുണ്ടെന്നും ഇനി കുറച്ച് ചിത്രങ്ങള് വരുമെന്നും താരം പറഞ്ഞിരുന്നു. സഹതാരങ്ങളെക്കുറിച്ചും താരം വാചാലയായിരുന്നു. അടുത്തിടെ നല്കിയ ഒരഭിമുഖത്തിലായിരുന്നു താരം മനസ് തുറന്നത്.
പൃഥ്വിരാജിനെക്കുറിച്ചും അനന്യ സംസാരിച്ചിരുന്നു. ഇന്ദ്രജിത്തിനും പൃഥ്വിരാജിനുമൊപ്പം ടിയാനില് അനന്യയും അഭിനയിച്ചിരുന്നു. ഹൈദരാബാദില് വെച്ചായിരുന്നു ഷൂട്ട്. അന്നൊക്കെ എന്ത് കേട്ടാലും ചിരിക്കുന്ന പ്രകൃതമായിരുന്നു. സീരിയസായിട്ടുള്ള സീന് എടുക്കുമ്പോഴും എനിക്ക് ചിരിയായിരുന്നു. ഇടയ്ക്കെ് പറഞ്ഞ തമാശ വീണ്ടും ഓര്ത്ത് ചിരിക്കുകയായിരുന്നു. എന്റെ ചിരി കണ്ട് രാജുവും ചിരിക്കുന്നുണ്ടായിരുന്നു. നിങ്ങള് അഭിനയിക്കുന്നത് അവരുടെ കൂടെയാണ്. അഭിനയം മോശമായാല് നിങ്ങള്ക്കാണ് മോശം എന്ന് രാജു പറഞ്ഞിരുന്നു. സീരിയസായാണ് രാജു സംസാരിച്ചത്. മുന്പൊരിക്കലും അദ്ദേഹം എന്നോട് അങ്ങനെ സംസാരിച്ചിട്ടില്ല. അത്രയും പ്രധാനപ്പെട്ട രംഗമായത് കൊണ്ടാണ് ഇങ്ങനെയൊക്കെ പറഞ്ഞത്.
ദിലീപേട്ടന്റെ കൂടെ വര്ക്ക് ചെയ്യുമ്പോള് നമ്മളായിട്ട് ചിരിക്കണ്ട. പുള്ളി തന്നെ ചിരിപ്പിച്ചോളും. ഉണ്ണി മുകുന്ദനെ തുടക്കം മുതലേ അറിയാം. ഉണ്ണിയുടെ അഭിനയത്തിലെ വളര്ച്ച ശരിക്കും പ്രകടമാണ്. നല്ല മാറ്റങ്ങള് കാണുമ്പോള് സന്തോഷമാണ്. ജയസൂര്യയെ ആദ്യം കണ്ടത് പോസിറ്റീവിന്റെ സമയത്താണ്. അന്ന് ഞാന് നല്ല തടിയായിരുന്നു. ചബ്ബി ലുക്കായിരുന്നു. നായികയായി അഭിനയിക്കണമെങ്കില് വണ്ണം കുറയ്ക്കണമെന്നായിരുന്നു ജയസൂര്യ പറഞ്ഞത്. ചോറും കറികളുമായിരുന്നു എന്റെ ഇഷ്ട ഫുഡ്. ഞാന് നന്നായി കഴിക്കാറുമുണ്ടായിരുന്നു.
ഒരു ദിവസം ലൊക്കേഷനില് ഫുഡ് കഴിച്ചോണ്ടിരിക്കുന്നതിനിടെ ജയസൂര്യ അതിലെ വന്നു. അവള്ക്ക് രണ്ട് ചപ്പാത്തി കൊടുത്താല് മതി എന്ന് പറഞ്ഞു. എനിക്കാണേല് അന്നും ഇന്നും ചപ്പാത്തി ഇഷ്ടമില്ല. ചോറ് കഴിക്കാനായി നിന്ന എനിക്ക് ശരിക്കും കരച്ചിലാണ് വന്നത്. മോള് വിഷമിക്കണ്ട, മമ്മി എടുത്ത് വെക്കാമെന്നൊക്കെ പറഞ്ഞിരുന്നു. ജയന് ചേട്ടന് വലിയ കാര്യത്തിലായിരുന്നു പറഞ്ഞത്. ഭക്ഷണം കഴിക്കരുത് എന്നൊക്കെ കേള്ക്കുമ്പോള് അന്ന് ഭയങ്കരമായി വിഷമം വരുമായിരുന്നു.
ചാക്കോച്ചന് പെട്ടെന്ന് ഡാന്സ് പഠിക്കും. ഞാന് മെല്ലേയേ പഠിക്കുള്ളൂ. അവര് പഠിച്ച് ഡാന്സ് ചെയ്ത് റസ്റ്റെടുക്കുമ്പോഴാണ് ഞാന് പഠിച്ച് തുടങ്ങുന്നത്. ഡാന്സ് എനിക്ക് ഭയങ്കര ബുദ്ധിമുട്ടുള്ള കാര്യമാണ്. സിനിമയെ കുറച്ച് സീരിയസായി എടുത്ത് തുടങ്ങിയത് കാരണം ഇപ്പോള് അഭിനയിക്കുമ്പോള് ചിരിയൊന്നും വരാറില്ല. ശിക്കാറില് അഭിനയിക്കുന്ന സമയത്ത് ഡ്യൂപ്പിനെ ഉപയോഗിക്കാമെന്ന് പറഞ്ഞിരുന്നെങ്കിലും അന്ന് താന് ആ റിസ്ക്ക് സ്വയം ഏറ്റെടുക്കുകയായിരുന്നുവെന്നും അനന്യ വിശദീകരിച്ചിരുന്നു.
