അധോലോക സിനിമകളുടെ തലതൊട്ടപ്പനും ഹോളിവുഡ്താരവുമായ അല്പ്പാച്ചിനോ 83 ാം വയസ്സില് പിതാവാകുന്നു. 29 കാരിയായ പുതിയ കാമുകിയും സിനിമാ നിര്മ്മാതാവുമായ നൂര് അല്ഫാല ഉടന് അല്പ്പാച്ചിനോയുടെ കുഞ്ഞിന് ജന്മം നല്കും. എട്ടുമാസം ഗര്ഭിണിയാണ് നൂര്.
ഗോഡ്ഫാദര് താരവുമായി 2022 ഏപ്രില് മുതല് നൂര് ഡേറ്റിംഗിലായിരുന്നു. ഉടന് ഇവര് മാതാപിതാക്കളാകുമെന്നാണ് ഹോളിവുഡ് മാധ്യമങ്ങളുടെ റിപ്പോര്ട്ട്. കോവിഡിന് ശേഷം ഇരുവരേയും ഒരുമിച്ച് പല തവണ കണ്ടിരുന്നു. ഇത് അല്പാച്ചിനോയുടെ നാലാമത്തെ കുട്ടിയാണ്. 33 കാരിയായ ജൂലി മാരിയാണ് താരത്തിന്റെ ഏറ്റവും മൂത്ത മകള്. മുന് കാമുകിയും അഭിനയ പരിശീലകയുമായ ജാന് ടാറന്റിന്റെ മകളാണ് ജൂലി മാരി. 1997 മുതല് 2003 വരെ ഒരുമിച്ച് ഉണ്ടായിരുന്ന മുന് ഗേള്ഫ്രണ്ട് ബെവേര്ലി ഡി ആഞ്ജലോയില് അല് പാച്ചിനോയ്ക്ക് 22 വയസ്സുള്ള ഇരട്ടകളും മക്കളായുണ്ട്.
അതേസമയം നൂറിന്റെ ജീവിതവും ഏറെ ഗ്ളാമറസാണ്. സമ്പന്നരും തന്റെ രണ്ടിരട്ടി പ്രായക്കൂടുതലും ഉള്ള പുരുഷന്മാരുമായി നൂറിനും മുമ്പ് പല തവണ പ്രണയബന്ധം ഉണ്ടായിട്ടുണ്ട്. വെറ്ററന് പാട്ടുകാരന് മിക്ക് ജാഗറും കോടീശ്വരന് നിക്കോളാസ് ബെര്ഗ്രൂവേനുമായും നൂര് മുമ്പ് ഡേറ്റിംഗില് ഏര്പ്പെട്ടിട്ടുണ്ട്.
അതേസമയം വിഖ്യാതമായ ഗോഡ്ഫാദര് സിനിമയില് അല്പാച്ചിനോയുടെ പിതാവായി അഭിനയിച്ച റോബര്ട്ട് ഡിനീറോ പിതാവായത് കഴിഞ്ഞയാഴ്ചയാണ്. കഴിഞ്ഞമാസമായിരുന്നു ഡി നീറോയ്ക്ക് ഏഴാമത്തെ കുട്ടിയുണ്ടായത്. പുതിയ കാമുകി ടിഫാനി ചെന്നിലാണ് ഡിനീറോയ്ക്ക് പെണ്കുഞ്ഞ് പിറന്നത്. ജിയാ വിര്ജീന ചെന് ഡി നീറോ എന്നാണ് പേര്.
ഗോഡ്ഫാദര് സീരീസിലൂടെ ഏറെ ആരാധകരെ നേടിയ അല്പാച്ചിനോ സ്കാര്ഫേസ്, സെന്റ് ഓഫ് എ വുമണ്, ഹീറ്റ്, സെര്പിയോ, സീ ഓഫ് ലവ്, ദി ഡെവിള്സ് അഡ്വാക്കേറ്റ്, ദി ഇന്സൈഡര് തുടങ്ങി അനേകം സിനിമകള് താരത്തിന്റേതായുണ്ട്. അടുത്തി െവണ്സ് അപ്പോണ് എ ടൈം ഇന് ഹോളിവുഡ്, ദി ഐറിഷ്മാന്, ഹൗസ് ഓഫ് ഗുസി തുടങ്ങിയ സിനിമകളും ചെയ്തിരുന്നു.
