കോഴിക്കോട്: തേങ്ങ തലയില് വീണ് മെഷീനിൽ നിന്നും കാൽ വഴുതി തല കീഴായി കിടന്ന തെങ്ങുകയറ്റ തൊഴിലാളിയെ ഫയര്ഫോഴ്സ് എത്തി രക്ഷിച്ചു. മുക്കം കൊടിയത്തൂർ ചെറുവാടികടവിൽ വീരാൻകുട്ടി എന്നയാളാണ് അപകടത്തില് പെട്ടത്.
ജോലിക്കിടയില് തേങ്ങ പറിച്ചെടുക്കുന്നതിനിടയിലാണ് തേങ്ങ തലയില് പതിച്ചത്. കാൽ വഴുതി തല കീഴായി തെങ്ങുകയറ്റ മെഷീനില് തട്ടി കിടന്ന വീരാന്കുട്ടിയെ സഹ തൊഴിലാളിയായ വിനോദ് കയറുകൊണ്ട് കെട്ടി വെയ്ക്കുകയായിരുന്നു.
തുടർന്ന് മുക്കം ഫയർ സ്റ്റേഷനിൽ വിവരമറിയിച്ചത് അനുസരിച്ച് ഫയര്ഫോഴ്സ് ഉദ്യോഗസ്ഥര് എത്തുകയും വീരന് കുട്ടിയെ നെറ്റിലാക്കി താഴെയിറക്കുകയും ചെയ്തു. 40 അടി ഉയരമുള്ള തെങ്ങിലായിരുന്നു വീരാന്കുട്ടി കുടുങ്ങിപ്പോയത്. ഉദ്യോഗസ്ഥര് ഏണി ഉപയോഗിച്ച് തെങ്ങിന്റെ മുകളില് എത്തുകയും തൊഴിലാളിയെ നെറ്റിന്റെ സഹായത്തോടെ താഴെയിറക്കുകയുമായിരുന്നു. വീരാന്കുട്ടിയെ ആശുപത്രിയിൽ എത്തിക്കുകയും ചെയ്തു.
