സ്വതസിദ്ധമായ അഭിനയശൈലികൊണ്ടും നര്മ്മം കൊണ്ടും മലയാള സിനിമയില് തന്റേതായ ഒരു സ്ഥാനം ഉറപ്പിച്ച താരമാണ് നിര്മല് പാലാഴി. മിമിക്രി രംഗത്തു നിന്നും മലയാള സിനിമയില് എത്തിയ നിര്മല് പാലാഴിയുടെ ഒട്ടുമിക്ക കഥാപാത്രങ്ങളും പ്രേക്ഷകര് സ്വീകരിച്ചതാണ്. സോഷ്യല് മീഡിയയില് സജീവമായ താരം ഇപ്പോള് തന്റെ ഫേസ് ബുക്കില് പങ്കുവെച്ച ഹൃദയഹാരിയായ പോസ്റ്റാണ് വൈറലാകുന്നത്. കേശു എന്ന കൊച്ചു കൂട്ടിയെ അഭിനന്ദിച്ചു കൊണ്ടുള്ള ഈ പോസ്റ്റില് കേശു എന്ന ഈ കൊച്ചു കലാകാരനെ ഇഷ്ട്ടം ഡ്രംസ് വായിക്കാൻ ഇഷ്ടമാണെന്ന് താരം കുറിക്കുന്നു. ‘‘കേശു ഇനി നാടിന്റെ താളം.
ഒരു കൈപ്പത്തിയും ഒരു കാലും ഇല്ലാത്ത കേശു എന്ന കൊച്ചു മിടുക്കന് ഡ്രംസ് വായിക്കാനുള്ള കഴിവ് കണ്ടെത്തി പ്രിയ സുഹൃത്ത് ദേവരാജന്റെ നേതൃത്വത്തിൽ പുതിയൊരു ഡ്രംസ് ഇന്ന് പ്രവേശനോത്സവ ദിനത്തിൽ കേശുവിന് അവന്റെ സ്കൂളിൽ വച്ച് തന്നെ കൈമാറുവാൻ കഴിഞ്ഞു. ഒരുപാട് സന്തോഷം തോന്നിയ നിമിഷങ്ങൾ...’’ തന്റെ ജീവിതത്തില് ഒരുപാടു സന്തോഷം തോന്നിയ നിമിഷമെന്നും താരം പോസ്റ്റില് കുറിക്കുന്നു. ഇതിനൊപ്പം കേശുവിന്റെ ചിത്രവും താരം പങ്കിട്ടിട്ടുണ്ട്.
കുട്ടിയും ,കോലും എന്ന ചിത്രത്തിലൂടെ മലയാള സിനിമയില് എത്തിയ താരമാണ് നിര്മല് പാലാഴി, അതിനു ശേഷം നിരവധി ചിത്രങ്ങളില് താരം ശ്രദ്ധേയമായ വേഷങ്ങള് ചെയ്തിട്ടുണ്ട്. താരം അഭിനയിച്ച സുലൈഖ മനസില് തീയറ്ററില് നല്ല പ്രേക്ഷക പ്രതികരണവുമായി മുന്നേറുകയാണ്.
