തിരുവനന്തപുരം : എന്സിപിയില് വീണ്ടും പൊട്ടിത്തെറി പിസി ചാക്കോക്കെതിരെ പരസ്യ പ്രതികരണമായി തോമസ് കെ തോമസ് എംഎൽഎ. തനിക്ക് വഴങ്ങാത്തവരെ പിസി ചാക്കോ വെട്ടിയൊതുക്കുകയാണെന്നും ഈ നിലപാടുമായി മുന്നോട്ട് പോകാനാകില്ലെന്നും തോമസ് കെ തോമസ് പറഞ്ഞു.
അദ്ദേഹത്തിന് വാശി, അദ്ദേഹം പറയുന്ന ആൾ വരണം. തോമസ് കെ തോമസിനെ അട്ടിമറിക്കണം എന്നുള്ളതാണ് അദ്ദേഹത്തിന്റെ ആഗ്രഹംമെന്ന് തോമസ് കെ തോമസ് എംഎൽഎ പറഞ്ഞു. ആലപ്പുഴയിൽ തന്നെ അംഗീകരിച്ചാൽ സ്ഥാനമൊഴിയുമെന്ന് പി.സി ചാക്കോ ശരദ് പവാറിനോട് പറഞ്ഞതായി തോമസ് കെ തോമസ് വ്യക്തമാക്കി. സ്ഥാനമേറ്റെടുക്കാൻ തയാറാന്നെന്ന് താൻ അറിയിച്ചു. തന്നെ അംഗീകരിക്കാത്ത ഒരാളുമായി എങ്ങനെ ചേർന്നു പോകുമെന്നും എംഎൽഎ ചോദിച്ചു.
പി.സി. ചാക്കോ വന്നതോടെ എന്.സി.പി. ദുര്ബലപ്പെട്ടെു. സംസ്ഥാന അധ്യക്ഷനെന്നാല് സ്വര്ഗത്തില്നിന്ന് ഇറങ്ങി വന്ന ആളല്ല. താന് ശരദ് പവാറിന്റെ ആളാണെന്നും എല്ലാവരെയും തട്ടിക്കളയുമെന്നുമാണ് ചാക്കോയുടെ മനോഭാവം. കുട്ടനാട് സീറ്റ് ഇല്ലാതാക്കുകയാണു ലക്ഷ്യം. ആലപ്പുഴയിലെ പ്രസിഡന്റ് തെരഞ്ഞെടുപ്പ് അട്ടിമറിച്ചത് സംസ്ഥാന പ്രസിഡന്റാണ് തോമസ് കെ. തോമസ് വിമര്ശിച്ചു.
