സിനിമാതാരങ്ങളുടെ വിവാഹം ഏറെ ആഘോഷമായിട്ടാണ് കുടുംബാംഗങ്ങളും ആരാധകരും ഏറ്റെടുക്കാറുള്ളത്. എന്നാല് അധികം താമസിയാതെ മിക്കവരുടെയും വിവാഹം തകര്ച്ചയില് ചെന്നെത്താറുമുണ്ട്. ഇപ്പോഴിതാ ആ ലിസ്റ്റില് ഇടം പിടിക്കുകയാണ് താരപുത്രി നിഹാരിക കോനിഡേല. തെലുങ്ക് നടനും നിര്മാതാവുമായ നാഗേന്ദ്ര ബാബുവിന്റെ മകളും മെഗാസ്റ്റാര് ചിരഞ്ജീവിയുടെ മരുമകളുമാണ് നിഹാരിക കോനിഡേല. ഭര്ത്താവിനൊപ്പമുള്ള ചിത്രങ്ങള് നിഹാരിക സോഷ്യല് മീഡിയയില് നിന്ന് ഡിലീറ്റ് ചെയ്തതാണ് ആരാധകര്ക്കിടയില് ഈ സംശയം ജനിക്കാനുള്ള കാരണം. ബിസിനസുകാരനായ ചൈതന്യ ജോന്നലഗഡയാണ് താരത്തിന്റെ ഭര്ത്താവ്. 2020 ല് താരസമ്പന്നമായിട്ടാണ് ഇവരുടെ വിവാഹം നടന്നത്. പിന്നീട് ഇവര് ഒരുമിച്ചുള്ള ചിത്രങ്ങളും സോഷ്യല് മീഡിയയില് നിറഞ്ഞു നിന്നു. എന്നാലിപ്പോള് ഇരുവരും ഒന്നിച്ചുള്ള ചിത്രങ്ങള് സമൂഹമാധ്യമങ്ങളില് നിന്നും നടി ഡിലീറ്റ് ചെയ്തു. സാമന്തയെയും താരപുത്രി നിഹാരികയെയും താരതമ്യം ചെയ്തുകൊണ്ടാണ് ആരാധകര്ക്കിടയില് ചര്ച്ചകള്. സാമന്ത വിവാഹമോചനത്തിന് മുന്പ് സുഹൃത്തുകള്ക്ക് ഒപ്പം ചില യാത്രകള് നടത്തിയിരുന്നു. നിഹാരികയും അത്തരത്തില് യാത്രകളിലാണെന്നാണ് ആരാധകരുടെ കണ്ടെത്തല്. അത്തരം ചിത്രങ്ങള് നിഹാരിക സോഷ്യല് മീഡിയയിലൂടെ പങ്കുവയ്ക്കുന്നുമുണ്ട്.
