തടി ഉള്ളവര് അനുഭവപ്പെടുന്ന ഏറ്റവും വലിയ പ്രശ്നമാണ് ബോഡി ഷെയിമിങ്. റഷ്യയിലെ ബെല്ഗൊറോഡിലെ യാന ബൊബ്രോവ എന്ന സ്ത്രീയാണ് ഭര്ത്താവിന്റെ നിരന്തരമായ കളിയാക്കലിനെ തുടര്ന്ന് ശരീരഭാരം കുറയ്ക്കാന് ആരംഭിച്ചത്. അങ്ങനെ അവര് 22 കിലോവരെ കുറച്ചു. ഇവരുടെ പരിശ്രമത്തിനു ഫലം കണ്ടെങ്കിലും തടി കുറഞ്ഞപ്പോഴേക്കും ഇവര്ക്ക് എഴുന്നേല്ക്കാന് പോലുമാകാതെ ആശുപത്രിയിലായി.
എന്നാല് ഭര്ത്താവ് യാനയെ ചേര്ത്തു നിര്ത്തേണ്ടതിനു പകരം ഇവരുമായുള്ള ബന്ധം വരെ ഉപേക്ഷിച്ചു. യാനയ്ക്ക് 5.2 അടി ഉയരമാണുള്ളത്, എന്നാല് നിലവില് 22 കിലോ ഭാരവുമാണിപ്പോള് ഉള്ളത്. ശരീരഭാരം അമിതമായി കുറഞ്ഞത് കാരണം നിരവധി ആരോഗ്യ പ്രശ്നങ്ങാണ് ഇപ്പോള് ഇവര് നേരിടുന്നത്. പേര് വെളിപ്പെടുത്താന് തയ്യാറാകാത്ത അവരുടെ ഭര്ത്താവിന്റെ പരിഹാസം സഹിക്കവയ്യാതെയാണ് യാന തന്റെ ശരീരഭാരം കുറയ്ക്കാന് തുടങ്ങിയത്.
ശരീരഭാരം കുറയ്ക്കുന്നതിനായി ഭക്ഷണം കുറച്ചു, കഠിനമായ വ്യായാമം ചെയ്തു. നിലവില് തനിക്ക് കുക്കികള്, ചായ, വെള്ളം, മിഠായി, ഒരു കഷണം ചീസ്, അര ഗ്ലാസ് സൂപ്പ് എന്നിവ മാത്രം മതിയെന്ന് അവര് പറയുന്നു.
