യേശുദാസിന് പിന്നാലെയായാണ് വിജയ് യേശുദാസും പിന്നണി ഗാനരംഗത്തേക്കെത്തിയത്. മെലഡിയും അടിപൊളി ഗാനങ്ങളുമെല്ലാം ഒരുപോലെ വഴങ്ങുമെന്ന് തെളിയിച്ച് മുന്നേറുകയാണ് അദ്ദേഹം. ഇടയ്ക്ക് അവസരം ലഭിച്ചപ്പോള് അഭിനയത്തിലും സജീവമായിരുന്നു വിജയ്. പാടുന്ന സമയത്ത് ഇമോഷണലായി പോയ സന്ദര്ഭങ്ങള് ഉണ്ടായിട്ടുണ്ടെന്ന് വിജയ് പറയുന്നു. അടുത്തിടെ നല്കിയ ഒരു അഭിമുഖത്തിലായിരുന്നു അദ്ദേഹം വിശേഷങ്ങള് പങ്കുവെച്ചത്.
പൂമുത്തോളെ, കണ്ണെത്താദൂരം തുടങ്ങിയ പാട്ടുകളെല്ലാം നമ്മള് എക്സ്പീരിയന്സ് ചെയ്ത വേദനയും സന്തോഷവുമെല്ലാം കലര്ന്ന ഗാനങ്ങളാണ്. നമ്മള് എക്സ്പീരിയന്സ് ചെയ്ത കാര്യങ്ങള് ചില വാക്കുകളില് നമ്മളെ ട്രിഗര് ചെയ്യും. കണ്ണെത്താദൂരം പാടുമ്പോള് ഞാന് ഇമോഷണലായിരുന്നു. അത് ഡ്രാമ ക്രിയേറ്റ് ചെയ്തതല്ല, അങ്ങനെ വന്നതാണ്.
നിനക്കായ് ഒരിക്കല് എന്നൊക്ക പറയുമ്പോഴേക്കും കണ്ണ് നിറഞ്ഞു. അതൊരു ടച്ചാണ്. അതങ്ങനെ വരുന്നുണ്ട്. പൂമുത്തോളെയിലും അങ്ങനെയൊരു ഇമോഷനുണ്ട്. നമ്മളെ ഒരാള് അങ്ങനെ സ്നേഹിച്ചതോ, ഒരു കുഞ്ഞ് ജനിക്കുന്നതോ, അതിന്റെയൊരു സ്നേഹം, അങ്ങനെ കുറേ ഇമോഷന്സുണ്ട്. 2009ലാണ് എന്റെ മോള് ജനിച്ചത്. 2015ലാണ് മോന് ജനിച്ചത്. അവന് ജനിക്കുന്നത് വരെ മോളുടെ കൂടെയായിരുന്നല്ലോ.
ഇന്ത്യന് റുപ്പിയിലെ ഈ പുഴയും എന്ന ഗാനത്തെക്കുറിച്ചും അഭിമുഖത്തില് സംസാരിച്ചിരുന്നു. ഈ പാട്ട് പാടിയത് ദാസേട്ടനല്ലെന്ന് പറഞ്ഞാല് ആരും വിശ്വസിക്കില്ലെന്നാണ് പൃഥ്വിരാജ് പറഞ്ഞത്. മലയാളികള്ക്ക് ദാസേട്ടന് കൊടുത്ത വരപ്രസാദമാണ് വിജയ് എന്ന് രഞ്ജിത് പറഞ്ഞിരുന്നു. കോലക്കുഴല് ഭയങ്കര ഹിറ്റായി അവാര്ഡൊക്കെ കിട്ടിത്തുടങ്ങിയ ശേഷമാണ് കൂടുതല് അവസരങ്ങള് കിട്ടിയത്.
മലരേ കഴിഞ്ഞ് അതിനെ വെല്ലാനൊരു ഗാനമില്ലെന്നായിരുന്നു കരുതിയത്. അത്രയല്ലെങ്കിലും ഹേമന്ദമെന് കിട്ടിയത്. ആ പാട്ട് ഷൂട്ട് ചെയ്തതിനൊരു ക്യൂട്ട്നെസുണ്ട്. ആസിഫ് അത് മനോഹരമായി ചെയ്തിട്ടുണ്ട്. ആ ഡയറക്ടറിന്റെയും താല്പര്യങ്ങളുണ്ട്. അതൊരിക്കലും ഗായകന്റെ മാത്രം കഴിവായി കാണുന്നില്ലെന്നുമായിരുന്നു വിജയ് യേശുദാസ് പറഞ്ഞത്.
