നടിയും ബിഗ്ഗ് ബോസ് താരവും ജഗതി ശ്രീകുമാറിന്റെ മകളുമായ ശ്രീലക്ഷ്മി ശ്രീകുമാര് വീണ്ടും അമ്മയാകുന്നു. താരപുത്രി ഫേസ്ബുക്കിലും ഇന്സ്റ്റഗ്രാമിലും പോസ്റ്റുകൾ പങ്കിട്ടാണ് സന്തോഷവാർത്ത അറിയിച്ചത്. വിവാഹശേഷം ദുബായിൽ സെറ്റിൽഡ് ആയ ശ്രീ ഇപ്പോഴും കരിയറിൽ ശ്രദ്ധ കൊടുക്കുന്ന വ്യക്തിയാണ്. അടുത്തിടെയാണ് മൂത്തമകന് ഒരു വയസ്സ് തികഞ്ഞ സന്തോഷം ശ്രീ പങ്കുവച്ചത്. പിന്നാലെയാണ് നിറവയറോടുള്ള ചിത്രം ഇപ്പോൾ ശ്രീ പങ്കിട്ടെത്തിയിരിക്കുന്നത്.
2019 ല് ആണ് ശ്രീലക്ഷ്മിയും കൊമേഴ്സ്യല് പൈലറ്റ് ആയ ജിജിന് ജഹാംഗീറും തമ്മിലുള്ള വിവാഹം നടന്നത്. കഴിഞ്ഞവർഷം ആണ് ഇരുവരുടെയും ജീവിതത്തിലേക്ക് അർഹം കടന്നു വന്നത്. ഇപ്പോൾ മകന്റെ ഒന്നാം പിറന്നാളിന് പിന്നാലെയാണ് മറ്റൊരു സന്തോഷം കൂടി ശ്രീയുടെ ജീവിതത്തിലേക്ക് എത്തിയത്. സോഷ്യൽ മീഡിയ പോസ്റ്റിലൂടെയാണ് വീണ്ടും അമ്മയാകാൻ പോകുന്ന സന്തോഷം ശ്രീ പങ്കിട്ടത്.
അവതാരകയായിട്ടാണ് ശ്രീലക്ഷ്മി കരിയര് ആരംഭിച്ചത്. ജഗതിയുടെ മകള് എന്ന ലേബലില് ശ്രദ്ധിയ്ക്കപ്പെട്ട താരം പിന്നീട് ചില സിനിമകളിലും അഭിനയിച്ചു. ബിഗ്ഗ് ബോസ് സീസണ് 3 യിലെ മത്സരാര്ത്ഥിയുമായിരുന്നു ശ്രീലക്ഷ്മി.
നവംബര് 17ന് ആണ് ശ്രീലക്ഷ്മിയുടെ വിവാഹം നടന്നത്. അടുത്ത ബന്ധുക്കളും സുഹൃത്തുക്കളുമാണ് വിവാഹത്തില് പങ്കെടുത്തത്,വിവാഹത്തിനുശേഷം തിരുവനന്തപുരത്ത് വെച്ച് നടന്ന വിവാഹ വിരുന്ന് ചടങ്ങിൽ പ്രമുഖർ ആണ് പങ്കെടുത്തത്. വിവാഹത്തിന് മുന്പ് പപ്പയെ കണ്ട് അനുഗ്രഹം വാങ്ങണമെന്നും മോള് നല്ല വീട്ടിലേക്ക് പടി കയറി ചെല്ലുകയാണെന്ന് ജഗതി അറിയിക്കുമെന്നും ശ്രീലക്ഷ്മി മുൻപേ വ്യക്തമാക്കിയിരുന്നു.
അഞ്ചുവർഷത്തെ പ്രണയത്തിനു ഒടുവിൽ ആണ് ശ്രീലക്ഷ്മി വിവാഹിത ആയത്. കൊച്ചിയില് അയല്ക്കാരായിരുന്നു ജിജിനും ശ്രീലക്ഷ്മിയും അന്ന് മുതൽ തുടങ്ങിയ സൗഹൃദം ആണ് പിന്നീട് പ്രണയത്തിൽ എത്തിയത്. ജിജിനാണ് പ്രണയത്തെക്കുറിച്ച് ആദ്യം പറഞ്ഞത് എന്നും ശ്രീ തുറന്നുപറഞ്ഞിട്ടുണ്ട്.
