കേരളത്തില് ഇന്ന് എല്ലാ ജില്ലകളിലും രാത്രി മഴയ്ക്ക് സാധ്യത. ഏഴ് മണിക്ക് ശേഷം ലഭിച്ച അറിയിപ്പ് പ്രകാരം അടുത്ത മൂന്ന് മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് മിതമായ മഴയ്ക്കു സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ റിപ്പോര്ട്ട്. ബംഗാള് ഉള്ക്കടലില് ന്യുന മര്ദ്ദം രൂപപ്പെട്ടതോടെയാണ് കാലവര്ഷം കനക്കുന്നത്. മഹാരാഷ്ട്ര തീരം മുതല് കേരള തീരം വരെ ന്യുന മര്ദം നിലനില്ക്കുന്നതിന്റെ ഫലമായി കേരളത്തില് അടുത്ത 5 ദിവസം ഇടി മിന്നലോടുകൂടിയ വ്യാപക മഴക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
സംസ്ഥാനത്ത് ഇന്ന് 6 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, പത്തനംതിട്ട, കൊല്ലം, ആലപ്പുഴ, എറണാകുളം, തൃശ്ശൂര് ജില്ലകളിലാണ് ഇന്ന് യെല്ലോ അലര്ട്ടുള്ളത്. നാളെ കൊല്ലം, ആലപ്പുഴ, എറണാകുളം, തൃശ്ശൂര്, കണ്ണൂര് ജില്ലകളിലും 27 ാം തിയതി ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, വയനാട് ജില്ലകളിലും കേന്ദ്ര കാലാവസ്ഥാവകുപ്പ് യെല്ലോ അലര്ട്ട് പ്രഖ്യാപിച്ചിട്ടുണ്ട്.
