പുതുതായി നിര്മിച്ച മുസ്ലീം പള്ളി ഉദ്ഘാടനം നിര്വ്വഹിച്ചത് സ്വാമി. കോപ്പല് ജില്ലയിലെ കുക്കനൂര് താലൂക്കിലെ ഭാനാപൂര് ഗ്രാമത്തിലാണ് ഇത്തരമൊരു സംഭവം . മസ്ജിദ് കൊപ്പല് ഗവി മഠത്തിലെ അഭിനവ ഗവിസിദ്ദേശ്വര സ്വാമിജിയാണ് ഉദ്ഘാടനം ചെയ്തത്.
യഥാര്ത്ഥ മതം എന്നാല് സൗഹാര്ദമാണെന്നും ഇക്കാലത്ത് എല്ലാവരും ഐക്യത്തോടെ ജീവിക്കേണ്ടത് അനിവാര്യമാണെന്നും അദ്ദേഹം പറഞ്ഞു. സ്വന്തം മതം ശ്രേഷ്ഠമെന്ന് കരുതുന്നവര് മതവിശ്വാസികളല്ല. പക്ഷപാതമില്ലാതെ ഒരു രോഗിക്ക് രക്തം ദാനം ചെയ്യുന്നയാള് യഥാര്ത്ഥ മതവിശ്വാസിയാണ്.
മതവിശ്വാസിയായിസാധാരണക്കാരന് പോലും ജീവിക്കാം. മതവിശ്വാസികള് പള്ളികളിലും അമ്പലങ്ങളിലും പോകുന്നവര് മാത്രമല്ല . മറ്റുള്ളവരെ വേദനിപ്പിക്കാതെയും വഞ്ചിക്കാതെയും ജീവിക്കുക. യോജിപ്പില് ജീവിക്കുന്നതാണ് യഥാര്ത്ഥ മതമെന്നും അദ്ദേഹം കൂട്ടിച്ചേര്ത്തു. മുസ്ലീം സമുദായത്തിന്റെ അഞ്ച് വീടുകളേ ഈ ഗ്രാമത്തില് ഉള്ളൂവെങ്കിലും ഇവിടെ എല്ലാവരും ഒത്തൊരുമയോടെ സഹകരിച്ച് ജീവിക്കുന്നുവെന്നും. അതാണ് യഥാര്ത്ഥ മതത്തിന്റെ അടയാളമെന്നും സ്വാമി കൂട്ടിച്ചേര്ത്തു.
