പ്രേക്ഷകരുടെ പ്രിയതാരമായ പൃഥ്വിരാജിന് കഴിഞ്ഞ ദിവസമാണ് ‘വിലായത്ത് ബുദ്ധ’ എന്ന സിനിമയുടെ ഷൂട്ടിനിടെ പരിക്കു പറ്റിയത്. വിലായത്ത് ബുദ്ധയുടെ അവസാനഘട്ട ചിത്രീകരണം ഇടുക്കിയിലെ മറയൂരില് പുരോഗമിക്കുന്നതിനിടെയാണ് താരത്തിന് കാലില് പരിക്കേറ്റതും കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ച് ശസ്ത്രക്രിയ നടത്തിയതും. ഇപ്പോഴിതാ പൃഥ്വിരാജിന്റെ നിലവിലത്തെ ആരോഗ്യസ്ഥിതിയെക്കുറിച്ച് പറയുകയാണ് പൂര്ണ്ണിമ ഇന്ദ്രജിത്ത്. ‘‘പൃഥ്വിക്ക് ഹെയര് ലൈന് ഫ്രാക്ചറാണ്. അതുകൊണ്ട് വിശ്രമം വേണം. സര്ജറി കഴിഞ്ഞിട്ടുണ്ട്. നിങ്ങളുടെ എല്ലാവരുടെയും പ്രാര്ത്ഥന കാരണം എല്ലാം നന്നായി നടന്നു. ഇപ്പോള് ഫിസിയോതെറാപ്പി നടക്കുകയാണ്. ’’ തോപ്പുപടിയിലെ സജ്ന ആന്ഡ് സാഹ്ല ബ്രൈഡല് ബ്യൂട്ടി മേക്കപ്പ് സ്റ്റുഡിയോയുടെ ഉദ്ഘാടനത്തിന് എത്തിയപ്പോഴാണ് പൂര്ണ്ണിമ പൃഥ്വിരാജിന്റെ ആരോഗ്യസ്ഥിതിയെക്കുറിച്ച് സംസാരിച്ചത്.
