മിമിക്രി വേദികളിലൂടെ സജീവമായ താരമായ മഹേഷ് കുഞ്ഞുമോന്, മലയാളികള്ക്കിടയില് ഇഷ്ടം നേടിയെടുത്ത താരമാണ്. ഓരോ വ്യക്തികളെയും അനുകരിച്ച് സോഷ്യല് മീഡിയ പ്ലാറ്റ്ഫോമുകളിലൂടെയാണ് മഹേഷ് ശ്രദ്ധ നേടിയത്. പെര്ഫക്ട് ആയിട്ടുള്ള മഹേഷിന്റെ അനുകരണം എപ്പോഴും കയ്യടി നേടാറുമുണ്ട്. നടനും ഹാസ്യതാരവുമായിരുന്ന കൊല്ലം സുധിയുടെ വിയോഗത്തിന് കാരണമായ അപകടത്തില് മഹേഷിനും വലിയ പരിക്കുകളേറ്റിരുന്നു. സുധിയുടെ ജീവനെടുത്ത അപകടത്തിലുണ്ടായിരുന്ന ബിനു അടിമാലി അടുത്തിടെയാണ് ബിനു ആശുപത്രി വിട്ടത്. ഇപ്പോഴിതാ മഹേഷിനെ കാണാനായി വീട്ടില് എത്തിയിരിക്കുകയാണ് ബിനുവും കൂട്ടരും. വേദനകള്ക്കിടയിലും പുഞ്ചിരിച്ച് നില്ക്കുന്ന മഹേഷിന്റെ ഫോട്ടോയ്ക്കൊപ്പം ബിനു പങ്കുവച്ചിരിക്കുന്ന ക്യാപ്ഷനും ആരാധകര്ക്ക് ഏറ്റെടുത്തിരിക്കുകയാണ്. ‘‘മോനെ നീ എത്രയും പെട്ടന്ന് സുഖം ആയിട്ട് വരട്ടെ ഞങ്ങളുടെ എല്ലാവരുടെയും പ്രാര്ത്ഥന കൂടെ ഉണ്ടാകും...’’ എന്നാണ് ബിനു അടിമാലി കുറിച്ചത്. ഫോട്ടോ കണ്ട ശേഷം പിന്നാലെ നിരവധി പേര് ബിനുവും മഹേഷും ആരോഗ്യം വീണ്ടെടുത്ത് തിരിച്ചുവരാൻ ആശംസകളുമായി കമന്റുകളിട്ടിട്ടുണ്ട്.
കഴിഞ്ഞ മാസം അഞ്ചാം തീയതിയാണ് കൊല്ലം സുധിയുടെ അകാല വിയോഗത്തിന് കാരണമായ അപകടം നടന്നത്. പുലര്ച്ചെ നാലരയോടെ വടകരയില് നിന്നും പ്രോഗ്രാം കഴിഞ്ഞ് മടങ്ങിയ സംഘം സഞ്ചരിച്ചിരുന്ന കാര് എതിരെ വന്ന പിക്കപ്പുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ കൊല്ലം സുധിയെ കൊടുങ്ങല്ലൂര് എ ആര് ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ഒപ്പം ഉണ്ടായിരുന്ന ബിനു അടിമാലിക്കും മഹേഷിനും ഗുരുതരമായി പരിക്കേല്ക്കുകയും ചെയ്തു. ശസ്ത്രക്രിയകള്ക്ക് ശേഷം വീട്ടില് എത്തിയ മഹേഷ് പതിയെ തന്റെ ആരോഗ്യം വീണ്ടെടുത്ത് കൊണ്ടിരിക്കയാണ്.
