ഏകീകൃത സിവില് കോഡില് കേന്ദ്രത്തിന് മുന്നറിയിപ്പുമായി ഗുലാം നബി ആസാദ്. യുസിസി നടപ്പിലാക്കുന്നത് ആര്ട്ടിക്കിള് 370 റദ്ദാക്കിയതുപോലെ എളുപ്പമല്ല. എല്ലാ മതങ്ങളെയും യുസിസി നടപ്പാക്കുന്നത് ബാധിക്കും. മുസ്ലീങ്ങള് മാത്രമല്ല, ക്രിസ്ത്യന്,ആദിവാസി,സിഖ്, ജൈന് , പാഴ്സി വിഭാഗങ്ങളെ ബാധിക്കും. ഒറ്റയടിക്ക്ഇത് നടപ്പാക്കുന്നതിനെ കുറിച്ച് സര്ക്കാര് ചിന്തിക്കുക പോലും ചെയ്യരുതെന്നും അദ്ദേഹം കൂട്ടിച്ചേര്ത്തു.
എന്നാല് സിപിഐഎം ന്റെ ഏകീകൃത സിവില് കോഡിനെതിരെയുള്ള സെമിനാറില് സമസ്ത പങ്കെടുക്കും. സമസ്ത സിപിഐഎമ്മിന്റെ ക്ഷണം സ്വീകരിച്ചു. ഈ മാസം 15നാണ് കോഴിക്കോട് സെമിനാര് നടക്കുന്നത്.
സമസ്ത അധ്യക്ഷന് ജിഫ്രി മുത്തുക്കോയ തങ്ങള് പ്രധാനമന്ത്രിയെ നേരില് കാണുമെന്നും ഏകീകൃത സിവില് കോഡ് പിന്വലിക്കണമെന്ന് ആവശ്യപ്പെട്ട് പ്രധാനമന്ത്രിക്ക് കത്ത് നല്കുമെന്നും പറഞ്ഞു. ഏകീകൃത സിവില് കോഡിനെതിരായ സി.പി.ഐ.എം പ്രതിഷേധ പരിപാടിക്ക് ക്ഷണം ലഭിച്ചെന്ന് മുസ്ലിം ലീഗും വ്യക്തമാക്കി.
